|
2017-08-31 08:04:09, 2293 ნახვა
ეკონომიკა
დიმიტრი ქუმსიშვილმა თურქმენეთში ორმხრივი შეხვედრები გამართა
საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა თურქმენეთში პრემიერ-მინისტრ გიორგი კვირიკაშვილის ერთდღიანი ვიზიტის ფარგლებში რამდენიმე ორმხრივი შეხვედრა გამართა. დიმიტრი ქუმსიშვილი შეხვდა თურქმენეთის მინისტრთა კაბინეტის თავმჯდომარის მოადგილეს, საგარეო საქმეთა მინისტრ რაშიდ მერედოვს, მინისტრთა კაბინეტის თავმჯდომარის მოადგილე ესენმირატ ორაზგელდიევს და მეწარმეთა კავშირის თავმჯდომარე ალექსანდრე დადაევს. პირველმა ვიცე-პრემიერმა, ასევე, მოლაპარაკებები გამართა თურქმენეთის მინისტრთა კაბინეტის ფინანსური ბლოკის ხელმძღვანელებთან - მინისტრთა კაბინეტის თავმჯდომარის მოადგილე ბიაშიმმირატ ხოჯამამედოვთან და ფინანსთა მინისტრი გოჩმირატ მირადოვთან შეხვედრაზე მხარეებმა ორმხრივი თანამშრომლობის საკითხები განიხილეს. დიმიტრი ქუმსიშვილი, ასევე, შეხვდა თურქმენეთის მინისტრთა კაბინეტის თავმჯდომარის მოადგილე მაქსატ ბაბაევსა და სახელმწიფო მინისტრს, სახელმწიფო კონცერნ „თურქმენგაზის“ თავმჯდომარის მოვალეობის შემსრულებელს მირატ არჩაევს. შეხვედრაზე ძირითადი ყურადღება სათბობ-ენერგეტიკის და ენერგოუსაფრთხოების სფეროებში თანამშრომლობის საკითხებზე გამახვილდა. ვიზიტის ფარგლებში მოლაპარაკებები გამართა თურქმენეთის მინისტრთა კაბინეტის წევრებთან. მხარეებმა მოკლედ მიმოიხილეს საქართველოსა და თურქმენეთს შორის ეკონომიკური თანამშრომლობის ძირითადი მიმართულებები. ხაზი გაესვა საქართველოს პრემიერ-მინისტრსა და თურქმენეთის პრეზიდენტს გურბანგული ბერდიმუჰამედოვს შორის გამართული მოლაპარაკებების მნიშვნელობას ორ ქვეყანას შორის ურთიერთობათა გაღრმავებისათვის. გაფართოებულ შეხვედრას დაესწრნენ ეკონომიკისა და მდგრადი განვითარების მინისტრი გიორგი გახარია, ენერგეტიკის მინისტრი ილია ელოშვილი, საგარეო საქმეთა მინისტრის მოადგილე დავით ჯალაღანია, სააქციო საზოგადოება საქართველოს რკინიგზის გენერალური დირექტორი მამუკა ბახტაძე და საქართველოს პრემიერ-მინისტრის მრჩეველი გიორგი ვაშაყმაძე. (NS)
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





