|
2017-08-31 08:04:11, 2780 ნახვა
ეკონომიკა კომენტარი
გიორგი კეპულაძე - არსებობს მოლოდინი, რომ შემოდგომაზე შესაძლოა, ლარი უფრო მეტად გაუფასურდეს
„საზოგადოება და ბანკების“ თავმჯდომარის გიორგი კეპულაძის განცხადებით, ბოლო რამდენიმე წლის განმავლობაში ზაფხულის სეზონის ბოლოს ლარის კურსის მკვეთრი გაუფასურება ტრადიციად იქცა. როგორც კეპულაძემ "ექსპრესნიუსთან" საუბარში აღნიშნა, მთავრობამ და ეროვნულმა ბანკმა მოლოდინების მართვა უნდა ისწავლოს, რომ ბაზრის მონაწილეებს ლარის კურსის მიმართ უარყოფითი განცდა არ ჰქონდეთ. მისივე შეფასებით, რთულია იმის თქმა, თუ რა ფუნდამენტური მიზეზები განაპირობებს ლარის გაუფასურებას. "ბოლო რამდენიმე წელი ტრადიციად იქცა, რომ ზაფხულის ბოლოს ლარი იწყებს გაუფასურებას იმ საწყისი პოზიციიდან, რა პოზიციაზეც მთელი ზაფხულის განმავლობაში იყო. შესაბამისად, გარკვეული მოლოდინი არსებობს, რომ შეიძლება ლარი შემოდგომაზე გაუფასურდეს. ამასთან დაკავშირებით არ არის გამორიცხული, რომ სხვადასხვა ბიზნესები წინასწარ მარაგებს ივსებენ და მათ სამომავლოდ უარყოფითი მოლოდინი აქვთ. ვინაიდან სხვა არანაირი ფაქტორი არ განაპირობებს ლარის გაუფასურებას, თუ არ ჩავთვლით იმას, რომ ტურისტული სეზონი მთავრდება და შესაძლებელია შემცირდეს ოდნავ ტურისტული შემოდინებები, მე მაინც დავუკავშირებდი მოლოდინებს. ეს ძირითადად აგვისტოს ბოლოს, სექტემბრის დასაწყისში ხდება. ამიტომ, ეროვნულმა ბანკმა და მთავრობამ, აღნიშნული მოლოდინების მართვა უნდა ისწავლოს, იმისათვის, რომ ბაზრის მონაწილეებს არ ჰქონდეთ უარყოფითი განცდა ლარის კურსთან დაკავშირებით. ამ ეტაპზე ძალიან რთულია იმის თქმა, სხვა რა ფუნდამენტური მიზეზები განაპირობებს ლარის გაუფასურებას, რადგან სტატისტიკა მოგვიანებით გამოქვეყნდება", - განაცხადა კეპულაძემ. ცნობისთვის, ბოლო პერიოდის განმავლობაში ლარი დოლართან და ევროსთან მიმართებაში გაუფასურებას განაგრძობს. ბოლო 1 კვირაში ლარი ევროსთან მიმართებაში 5 თეთრით, ხოლო დოლართან მიმართებაში 2-3 თეთრით გაუფასურდა. 1 დოლარი დღეს, 2.4274 ლარი ღირს, 1 ევრო კი 2.9000 ლარი.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|





