კაპანაძე: ჩანაწერით დადასტურდა, რომ მიხეილ სააკაშვილის მიმართ პოლიტიკური დევნა მიმდინარეობს

2017-08-14 12:42:11, 2764 ნახვა

პოლიტიკა

,,ჩანაწერით რეალურად გამოჩნდა, რომ მიმდინარეობს ჩვეულებრივი პოლიტიკური დევნა სააკაშვილის მიმართ",- ასე გამოეხმაურა "ევროპული საქართველოს" ერთ-ერთი ლიდერი სერგი კაპანაძე Страна.ua-ს მიერ გავრცელებულ ჩანაწერს.

,,არანაირი შეხება ამას სამართლებრივ საკითხებთან არ აქვს. პოლიტიკური დევნა მესამე პრეზიდენტის წინააღმდეგ, რაც არის ზოგადად პოლიტიკური ოპონენტების წინააღმდეგ დევნის დიდი კამპანიის ერთი ნაწილი. ეს ყველაფერი ძალიან აზიანებს ჩვენი ქვეყნის ინტერესებს. ამ ხელისუფლებამ კიდევ ერთხელ აჩვენა, რომ ისინი არ არიან დაინტერესებული ქვეყნის პრესტიჟით. ისინი დაინტერესებული არიან დივიდენდების მიღებით. ცალკე საკითხი არის ის, რომ ჯერ ერთი მოიტყუეს, როდესაც საზოგადოებას უთხრეს რომ არ ყოფილა ეს თემა განხილული უკრაინის პრეზიდენტის ვიზიტის დრო და მეორე, რომ უბრალოდ საცინლად ასაგდები გახდნენ იმ ფორმის გამო, როგორც მოხდა ამ ინფორმაციის გაჟონვა,’’ - განაცხადა სერგი კაპანაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან