ჯეჯელავა: გამოცდებზე დარეგისტრირებული პედაგოგების რაოდენობა თითქმის გაორმაგდა

2017-08-11 12:02:43, 2792 ნახვა

საზოგადოება კომენტარი

განათლების მინისტრის ალექსანდრე ჯეჯელავას განცხადებით, საკვალიფიკაციო გამოცდებზე დარეგისტრირებულ პედაგოგთა რაოდენობა თითქმის გაორმაგდა.

როგორც მინისტრმა ჟურნალისტებთან შეხვედრაზე განაცხადა, აღნიშნულის მიზეზი ისაა, რომ მოიხსნა მუქარა და პროფესიული განვითარება წახალისდა.

„ყველა პედაგოგი, რომელიც გამოცდებზე გადის მეცადინეობს, მომავალ წლებში რაოდენობა კიდევ უფრო გაიზრდება. დარწმუნებული ვარ, ეს არის გზა უკეთესი კვალიფიკაციისკენ, რაც გაზრდის მოსწავლეთა სწავლის შედეგს. ტრენინგში 30 ათასამდე პედაგოგმა მიიღო უკვე მონაწილეობა და ეს პროცესი გაგრძელდება. ტრენინგი პედაგოგებს მისცემს საშუალებას აიმაღლონ კვალიფიკაცია, გამოცდები ჩააბარონ და დაწინაურდნენ. ახალი სქემა გამიზნული იყო მოტივაციის ამაღლებაზე და მათი მოტივაცია წლევანდელი წლის პირველ ნახევარს დაეტყო. პედაგოგის მოტივაცია გაზრდილია“,-განაცხადა ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან