13 აგვისტოს ლიტერატურული კონკურსის „მოდინახეს“ მონაწილეებს საჩხერე, სხვიტორის აკაკი წერეთლის სახლ-მუზეუმი უმასპინძლებს. დაჯილდოების ცერემონია 14:30 საათზე დაიწყება.

როგორც „კვირას“ პროექტის ავტორმა და ორგანიზატორმა როლანდ ხოჯანაშვილმა განუცხადა, საკონკურსოდ სულ 100-ზე მეტი ლექსი შევიდა, ფილოლოგიის მეცნიერებათა დოქტორმა, პროფესორმა თამარ წოწორიამ შეარჩია 10 ფინალური ლექსი. ეს 10 ლექსი შემდგომ გადაეგზავნა ჟიურის 7 წევრს დამოუკიდებლად, უგვარ-სახელოდ, რომლებმაც ლექსები შეაფასეს 10-ბალიანი სისტემით.

13 აგვისტოს გამოვლინდება 3 გამარჯვებული, მათ, შესაბამისად, გადაეცემათ 500, 300, და 200 ლარის ოდენობის ფულადი პრემიები.

„პროექტის გენერალური სპონსორია „ჯორჯიან მანგანეზი“, ასევე არაერთი სახელმწიფო სტრუქტურა გვიჭერს მხარს, მათ შორის არის ეროვნული ბიბლიოთეკა, კულტურისა და ძეგლთა დაცვის სამინისტრო, რომელმაც ათივე ფინალისტისთვის გამოყო სასაჩუქრე პაკეტები, არის რამდენიმე ორგანიზაცია, რომლებიც მხარს უჭერენ პროექტს და ასევე არიან ფიზიკური პირებიც.

საფინალო დღეს გაიცემა სიმპათიის პრიზები, რომელსაც იმერეთის სამხარეო ადმინისტრაცია, ჭიათურის მაორიტარი დეპუტატი, ჭიათურის მუნიციპალიტეტის გამგებელი, სავარაუდოდ, საჩხერის თვითმმართველობა დააწესებს…

ასე რომ, „მოდინახე“ თავის ფინალისტებს და მეგობრებს 13 აგვისტოს ელოდება სხვიტორში. რათა ორგანიზებულად და გეგმის მიხედვით შევძლოთ კონკურსის ფინალის წარმართვა“, – აღნიშნა როლანდ ხოჯანაშვილმა.

ფინალისტები არტტურის ფარგლებში მიწვეულნი არიან საჩხერეში ა. წერეთლის სახლ-მუზეუმს და დაათვალიერებენ ზემო იმერეთის ღირსშესანიშნაობებს.

ცნობისათვის: ყოველწლიური ლიტერატურული კონკურსი „მოდინახე“ 2014 წელს „ჯორჯიან მანგანეზის“ გენერალური სპონსორობით და ჟურნალისტ როლანდ ხოჯანაშვილის ინიციატივით დაარსდა.

კონკურსს მხარს უჭერს საქართველოს კულტურისა და ძეგლთა დაცვის სამინისტრო, იმერეთის სამხარეო ადმინისტრაცია, საქართველოს პრეზიდენტის ადმინისტრაცია, აკაკი წერეთლის სახლ-მუზეუმი, ჭიათურის მაჟორიტარი დეპუტატის ბიურო, სამაუწყებლო კომპანია „იმერვიზია“, გაზეთი „ინდუსტრიული მაცნე“ და მედიასახლი „პოსტსკრიპტუმი“. საინფორმაციო-ანალიტიკური პორტალი „კვირა“.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა