ევროინტეგრაციის საპარლამენტო კომიტეტის თავმჯდომარის თამარ ხულორდავას განცხადებით, ამერიკის შეერთებული შტატების სახელმწიფო დეპარტამენტის გამოხმაურება ვლადიმერ პუტინის ოკუპირებულ რეგიონში ვიზიტთან დაკავშირებით, კიდევ ერთი ღია მინიშნებაა, რომ საქართველო არ არის მარტო რუსეთის აგრესიის პირისპირ.

როგორც ხულორდავამ აღნიშნა, ამერიკის შეერტებული შტატები გმობს რუსეთის ფედერაციის პრეზიდენტის ჩასვლას ოკუპირებულ აფხაზეთში და კიდევ ერთხელ მოუწოდებს მას საერთაშორისო ნორმების აღიარებისა და საქართველოს სუვერენიტეტის დაცვისკენ. 

"ჩვენი სტრატეგიული პარტნიორი განსაკუთრებით ხაზს უსვამს იმ ფაქტს, რომ რუსეთის პრეზიდენტის ეს ნაბიჯი შეუსაბამოა ჟენევის საერთაშორისო მოლაპარაკებების პრინციპებთან, რომლის მონაწილეც არის რუსეთი და რომელიც ერთადერთი საერთაშორუსო მექანიზმია კონფლიქტის მშვიდობიანი გადაწყვეტისთვის",-აცხადებს ხულორდავა. 

მისივე განმარტებით, საქართველომ უნდა გააგრძელოს ამერიკელი და ევროპელი პარტნიორების მობილიზება ამ საკითხის ირგვლივ. 

"პუტინის ოკუპირებულ აფხაზეთში ჩასვლას უკვე მოყვა ევროკავშირის გამოხმაურებაც. ჩვენ უნდა გავაგრძელოთ ჩვენი ამერიკელი და ევროპელი პარტნიორების მობილიზება ამ საკითხის ირგვლივ. რუსეთისთვის ეს და სხვა პარტნიორების განცხადებები არის კიდევ ერთი ღია მინიშნება, რომ საქართველო არ არის მარტო რუსეთის აგრესიის პირისპირ",-აღნიშნა უხლორდავამ. 

შეგახსენებთ, რომ ამერიკის შეერთებული შტატების სახელმწიფო დეპარტამენტი ოკუპირებულ აფხაზეთში რუსეთის პრეზიდენტის ვლადიმერ პუტინის ვიზიტს გამოეხმაურა. როგორც დეპარტამენტის განცხადებაშია ნათქვამი, აღნიშნული ვიზიტი ჟენევის საერთაშორისო მოლაპარაკებების პრინციპებს ეწინააღმდეგება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა