რუსეთის ფედერაციის პრეზიდენტის ვლადიმერ პუტინის განცხადებით, რუსეთი ოკუპირებული აფხაზეთის დამოუკიდებლობის დაცვას მომავალშიც გააგრძელებს. ამის შესახებ ვლადიმერ პუტინმა ოკუპირებულ რეგიონში განაცხადა, სადაც ის დღეს ჩავიდა.

ინფორმაციას სააგენტო Tass-ი ავრცელებს.

"ჩვენ ბევრი სალაპარაკო გვაქვს. მაგრამ ყველაზე მნიშვნელოვანია ის, რომ ჩვენ აფხაზეთთან განსაკუთრებული ურთიერთობები გაგვაჩნია. ჩვენ უზრუნველვყოფთ მათ უსაფრთხოებას და ასევე დამოუკიდებლობას. დარწმუნებული ვარ, რომ ასე იქნება მომავალშიც", - განაცხადა ვლადიმერ პუტინმა დე-ფაქტო პრეზიდენტთან, რაულ ხაჯიმბასთან შეხვედრის დაწყებამდე.

გარდა ამისა, პუტინმა აღნიშნა, რომ აფხაზეთმა ეკონომიკის განვითარების ყველაზე ოპტიმალური გზები უნდა გამონახოს და დასძინა, რომ სწორედ ეს იქნება ერთ-ერთი განსახილველი საკითხი.

ცნობისთვის, რაულ ხაჯიმბას და ვლადიმერ პუტინის შეხვედრა ბიჭვინთაში გაიმართება. ეს ოკუპირებულ აფხაზეთში პუტინის რიგით მე-4 ვიზიტია. მანამდე ის რეგიონს 2009, 2011 და 2013 წლებში სტუმრობდა. 

მედიის ინფორმაციით, შეხვედრის შემდეგ ერთობლივი პრესკონფერენცია გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა