რუსეთის პრემიერ-მინისტრის დიმიტრი მედვედევის განცხადებით, 2008 წლის აგვისტოში რუსეთმა ჩაატარა ოპერაცია, რომელმაც საქართველოს იძულებით მშვიდობისკენ უბიძგა, - ამის შესახებ პრემიერ-მინისტი Facebook-ის საკუთარ გვერდზე წერს.

როგორც მედვედევი წერს, „რუსეთს ის ბარბაროსული აქტი უნდა შეეწყვიტა, რომელიც საქართველოს იმ დროინდელმა ხელისუფლებამ ჩაიდინა“.

"ამ აგვისტოს დღეებში, ჩვენ ვიხსენებთ იმ ტრაგიკულ მოვლენებს, რომლებიც 2008 წელს განვითარდა. თავდასხმა მშვიდობიან ცხინვალზე, რუსეთის მშვიდობისმყოფელებზე, რომელიც საქართველოს იმ დროინდელმა ხელისუფლებამ ცინიკურად ჩაიდინა. ეს ბარბაროსული აქტი უნდა შეგვეჩერებინა. რუსეთმა ჩაატარა ოპერაცია, რომელმაც საქართველოს იძულებით მშვიდობისკენ უბიძგა. ყველაზე საშინელი ის არის, რომ ხალხი დაიღუპა. სხვანაირად ვერ მოვიქცეოდით. მოვიქეცით კანონიერად და ნამუსიანად. ვიყავით ვალდებულნი, რომ ჩვენი მოქალაქეები დაგვეცვა. ასევე დაგვეცვა სამხრეთ ოსეთის მოქალაქეებიც, რომლებსაც რუსული პასპორტი ჰქონდათ. ჩვენ ისინი დავიცავით. სიმართლე გითხრათ, 2008 წლის 8 აგვისტომდე წარმოუდგენლად მეჩვენებოდა, რომ 21-ე საუკუნეში ვინმეს შეუძლია „გრადი“ დაუშინოს თავის სახლებში მძინარე მოხუცებს, ქალებსა და ბავშვებს. მაგრამ, სამწუხაროდ, დღეს ჩვენ უფრო სასტიკი მაგალითები გაგვაჩნია. ერთი რამე ეჭვგარეშეა - რუსეთი ყოველთვის მზად არის თავისი მოქალაქეები დაიცვას", - წერს დიმიტრი მედვედევი.

ცნობისთვის, ოკუპირებულ აფხაზეთში ამ წუთებში დე-ფაქტო პრეზიდენტის რაულ ხაჯიმბას და რუსეთის პრეზიდენტის ვლადიმერ პუტინის შეხვედრა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა