აჭარის მთავრობის თავმჯდომარე ზურაბ პატარაძე ხულოს მუნიციპალიტეტის სამთო იალაღებს ეწვია და მთების ელექტროფიკაციის პროცესს ადგილზე გაეცნო.

აჭარის მთავრობის პრესსამსახურის ინფორმაციით, მასთან ერთად  აჭარის უმაღლესი საბჭოს თავმჯდომარე დავით გაბაიძე და საქართველოს პარლამენტის წევრი ანზორ ბოლქვაძე იმყოფებოდნენ.  

მათივე ინფორმაციით, მთავრობის თავმჯდომარე თავდაპირველა მთა მაჭარელათს ესტუმრა,  სადაც ელექტრო გადამცემი ხაზები უკვე დამონტაჟებულია.

ზურაბ პატარაძე ხულოს მუნიციპალიტეტის გამგებელთან ბესიკ ბაუჩაძესთან ერთად შეხვდა მემთეურებს და პირადად მიულოცა შუამთობის დღესასწაული.

 როგორც ადგილობრივები აღნიშნავენ, იალაღების ელექტროფიკაცია უპრეცედენტოა, რადგან არც ერთ პერიოდში  მსგავსი პროექტი სამთო იალაღებისთვის არ განხორციელებულა.

 მათი თქმით, ასევე პირველად მასპინძლობენ იალაღებზე რეგიონის მთავრობის თავმჯდომარესაც.

ზურაბ პატარაძე დღესვე ესტუმრა  აგარის მთას, სადაც რამდენიმე სოფლის მოსახლეობა იყო შეკრებილი. მემთეურებმა რეგიონის მთავრობის თავმჯდომარისა და ხელისუფლების წარმომადგენლებისათვის „შუამთობის" აღსანიშნად მცირე კულტურული პროგრამაც წარმოადგინეს.

ისინი უკვე ხვალ, ბეშუმში „შუამთობის" ოფიციალურ ნაწილს დაესწრებიან.

აღსანიშნავია, რომ აჭარაში ყველაზე მაღალმთიან ხულოს მუნიციპალიტეტში იალაღების ელექტროფიკაცია უკვე 10-მდე მთაზე განხორციელდა, რომლებითაც 16-ზე მეტი სოფელი სარგებლობს.

პროექტში ამ ეტაპზე 541 ათას ლარამდე დაიხარჯა.

 მუშაობა  დაწყებულია კურორტ ბეშუმის და მიმდებარე იალაღების (13სოფლის) ელექტროფიკაციის მიმართულებით, რისთვისაც გამოყოფილია  248 900 ლარი.

ელეტროგადამცემი ხაზების მოწყობა ხულოს მუნიციპალიტეტის პრიორიტეტული ღონისძიებების პროგრამის ფარგლებში ხორციელდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ

რუსი ჯარისკაცების მიერ უკრაინული სოფლების აღების ათობით ვიდეო ხელოვნური ინტელექტის მიერ შექმნილი აღმოჩნდა

პარლამენტმა დავით მამისეიშვილი უზენაესი სასამართლოს უვადო მოსამართლედ აირჩია.

გახარია: ივანიშვილის რეჟიმმა პარლამენტში ერთ ოპოზიციურ პარტიასაც კი ვერ აიტანა