„ალექსანდრ ლუკაშენკოს საქართველოში არავითარი გზავნილი არ ჩამოუტანია“, - ასე გამოეხმაურა პრემიერ-მინისტრი ირაკლი ღარიბაშვილი ინფორმაციას, რომლის თანახმადაც, ბელარუსის პრეზიდენტმა რუსეთთან ურთიერთობის დარეგულირების კუთხით საქართველოში გზავნილი ჩამოიტანა.

პრემიერის შეფასებით, ლუკაშენკოს საქართველოში ვიზიტი იყო მეგობრული, რამაც საფუძველი ჩაუყარა საქართველო-ბელარუსის ხალხებს შორის ურთიერთობების გაღრმავებას.

„ბელარუსის პრეზიდენტის ვიზიტი იყო ნამდვილად წარმატებული. ეს იყო ჩვენთვის ძალიან მნიშვნელოვანი. ეს არის პირველი ოფიციალური ვიზიტი, იგი საქართველოში მანამდე არ ყოფილა. ვფიქრობ, ყველაფერი ძალიან კარგად იყო ორგანიზებული და ეს ვიზიტი მართლაც წარმატებული იყო. აქვე მედიაშია გაისმა რაღაც კითხვები და სპეკულაციები დაიწყო. არავითარი დაფარული ჩვენ არ გვქონია. ლუკაშენკოს გზავნილი არ ჩამოუტანია. ყველაფერი იყო გამჭვირვალე და საჯარო. ეს იყო ძალიან კარგი, მეგობრული ვიზიტი. მიმაჩნია, რომ საფუძველი ჩაეყარა ჩვენს ხალხებს შორის ურთიერთობის გაღრმავებას“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე