საქართველოს პრემიერ-მინისტრი ირაკლი ღარიბაშვილი გურჯაანის გამგეობაში მომხდარ ინციდენტს, სადაც „ქართული ოცნების“ აქტივისტებმა მაჟორიტარ დეპუტატს გიორგი ღვინიაშვილს კვერცხები ესროლეს, სამწუხარო ფაქტს უწოდებს.

თუმცა როგორც პრემიერმა მთავრობის სხდომაზე განაცხადა, მომხდარი ფაქტი ოპოზიციის მხრიდან იყო პროვოცირებული.

„ძალიან ცუდია, რომ ასე უხეშად, დესტრუქციული მეთოდებით მათ სცადეს რაიონის გამგეობის მუშაობის შეფერხება და პარალიზება. ასეთი ალიაქოთი არის ხელოვნური. არავითარი ნეპოტიზმი და კორუფციის ფაქტები იქ არ არის. თუ მსგავსი რამ არის, ამას შეისწავლიან და რეაგირებას მოახდენენ შესაბამისი უწყებები. არსებობს პოლიცია, ფინანსური სამსახურები, პროკურატურა, ეს ყველაფერი არის დადგმული სპექტაკლი. მათი სურვილი და ამოცანაა, რომ როგორმე შეაფერხონ და პარალიზება მოახდინონ ადგილობრივი ხელისუფლების, მათი მუშაობის. მოსახლეობის მხრიდან რეაქციაც იყო მწვავე“, - განაცხადა პრემიერმა.

მისივე შეფასებით, მოქმედმა ხელისუფლებამ ხალხის აგრესიის შეჩერების მიზნით, ყველა ზომას მიმართა და მხარდამჭერებს მოუწოდა მაქსიმალური სიმშვიდე შეინარჩუნონ.

ცნობისთვის, რამდენიმე დღის წინ „ქართული ოცნების“ აქტივისტებმა გურჯანიის მაჟორიტარ დეპუტატს გიორგი ღვინიაშვილს წიწილიანი კვერცხები ესროლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას