2017-07-22 15:24:40, 1135 ნახვა
რეგიონი
საპატრულო პოლიციის თანამშრომლებმა ბორჯომში დაკარგული ბავშვი მშობელს დაუბრუნეს
შინაგან საქმეთა სამინისტროს საპატრულო პოლიციის სამცხე-ჯავახეთის სამმართველოს თანამშრომლებმა, დაკარგული ბავშვი მშობელს დაუბრუნეს.
შსს-ს ინფორმაციით, ქალაქ ბორჯომში პოლიციის თანამშრომლებს მოქალაქეებმა დახმარებისთვის მიმართეს, მათ სამართალდამცველებს მცირეწლოვანი დაკარგული გოგონა გადასცეს.
უწყების ცნობით, საპატრულო პოლიციის ეკიპაჟმა რამდენიმე წუთში დაადგინა ბავშვის ვინაობა. გაირკვა, რომ იგი რუსეთის ფედერაციის მოქალაქეა და ბორჯომში ოჯახთან ერთად, დასასვენებლად არის ჩამოსული. პოლიცია მაშინვე დაუკავშირდა მის ოჯახს და დაკარგული გოგონა დედას დაუბრუნა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
