2017-07-21 16:12:02, 1254 ნახვა
რეგიონი
ოკუპანტებმა სოფელ ყარაფილასთან ხნული გაავლეს
ოკუპანტებმა კასპის მუნიციპალიტეტის ტერიტორიის მახლობლად, სოფელ ყარაფილასთან ე.წ. ხანძარსაწინააღმდეგო ხნული გაავლეს.
როგორც „ექსპრესნიუსს“ სუს-ის საზოგადოებასთან ურთიერთობის სამსახურში განუცხადეს, ხნული ორჭოსნის მონაკვეთზეა გავლებული.
„ჩვენი შეფასებით, აღნიშნული ქმედება არის ე.წ. ბორდერიზაციის უკანონო პროცესის გაგრძელება, რომელიც ზღუდავს ადამიანის ფუნდამენტურ უფლებებს და მიზანმიმართულად აზიანებს ადგილზე უსაფრთხოების გარემოს“,-აცხადებენ სუს-ში.
მათივე ინფორმაციით, აღნიშნული საკითხი ერგნეთის IPRM-ის მომავალ შეხვედრაზე დადგება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
