|
2017-07-19 15:47:03, 2532 ნახვა
ეკონომიკა
დიმიტრი ქუმსიშვილმა საქართველოს, აზერბაიჯანისა და თურქეთის საბაჟო ადმინისტრაციათა შეხვედრაში მიიღო მონაწილეობა
საქართველოს, აზერბაიჯანისა და თურქეთის საბაჟო ადმინისტრაციათა უმაღლესი დონის პირველი სამმხრივი შეხვედრა დეკლარაციის მიღებით დასრულდა, რომელშიც მხარეები საბაჟო სფეროში თანამშრომლობის გაღრმავების ძირითად მიმართულებებზე შეთანხმდნენ. საქართველოს დელეგაციას სამმხრივ შეხვედრაზე პირველი ვიცე-პრემიერი, ფინანსთა მინისტრი დიმიტრი ქუმსიშვილი ხელმძღვანელობდა, რომელმაც თავის გამოსვლაში აზერბაიჯანისა და თურქეთის წარმომადგენლებს გააცნო საქართველოს ხელისუფლების ხედვა რეგიონში საბაჟო თანამშრომლობის განვითარების პერსპექტივებთან დაკავშირებით. ფინანსთა სამინისტროს ცნობით, დიმიტრი ქუმსიშვილმა მოუწოდა კოლეგებს საბაჟო ურთიერთქმედების ღრმა და ყოვლისმომცველი სისტემის შექმნისკენ. მან ხაზი გაუსვა ახლახან განხორციელებულ მოდერნიზაციისკენ მიმართულ ქმედებებს, მიმდინარე ორმხრივი პროექტების მნიშვნელობას ახალი რეგიონული ინიციატივების ჩამოყალიბების მიზნით. პირველმა ვიცე-პრემიერმა, დიმიტრი ქუმსიშვილმა განსაკუთრებული მადლობა გადაუხადა თურქეთის პრეზიდენტს რეჯეპ ტაიპ ერდოღანს პეკინში „სარტყლისა და გზის ფორუმზე" გამოსვლისას, საქართველოს და აზერბაიჯანის, ევროპა-აზიის შემაერთებელი შუა სატრანზიტო დერეფნის სტატუსით მოხსენიებისთვის, ასევე აზერბაიჯანის პრეზიდენტს - ორმხრივი და რეგიონული ინიციატივების მხარდაჭერისთვის. თავის გამოსვლაში, პირველმა ვიცე-პრემიერმა ისაუბრა ბაქო-თბილისი-ყარსის რკინიგზასა და იმ მოლოდინებზე, რომელიც მის მიმართ არსებობს. დიმიტრი ქუმსიშვილის განცხადებით, განხორციელდა არაერთი საცდელი პროექტი, რომელმაც დაადასტურა, რომ აზია-ევროპის შემაერთებელი უმოკლესი სარკინიგზო მაგისტრალი გადის ჩვენი ქვეყნების ტერიტორიის გავლით. ფინანსთა მინისტრმა ასევე იმედი გამოთქვა, რომ საფუძველი ჩაეყრება სამმხრივი თანამშრომლობის პლატფორმას, რომელიც სამივე ქვეყნის ტერიტორიაზე გამავალი სტრატეგიულად მნიშვნელოვანი სატრანზიტო დერეფნის კონკურენტუნარიანობის ზრდის კატალიზატორი იქნება.
(NS)
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



