თხილის სექტორში საქართველოსთან თანამშრომლობის გაღრმავების საკითხები შვეიცარიის უმსხვილესი საცალო ბიზნესის, Migros Group, წარმომადგენლებმა სოფლის მეურნეობის მინისტრთან გამართულ შეხვედრაზე განიხილეს.

სოფლის მეურნეობის სამინისტროს ინფორმაციით, აღნიშნული ჯგუფში გაერთიანებულია სასურსათო და აგრარული წარმოების სხვადასხვა მიმართულები, მათ შორის Chocolat Frey AG, წამყვანი შოკოლადის მწარმოებელი კომპანია, რომელიც შვეიცარიაში 1887 წელს დაარსდა.

შეხვედრაზე აღინიშნა, რომ შვეიცარიის მხარისთვის უმნიშვნელოვანესია იმ პროდუქციის, მათ შორის, თხილის ხარისხი, რომელსაც წარმოებაში იყენებენ და მიაჩნიათ, რომ საქართველოსთან უკვე არსებული თანამშრომლობის გაღრმავება მათ ინტერესში შედის იმ პირობების გათვალისწინებით, რაც საქართველოში თხილის  ხარისხს, მისი კონტროლის სტანდარტებს უკავშირდება. აღინიშნა, რომ შვეიცარიის მხარე საქართველოში თხილის სექტორში მნიშვნელოვანი პროექტების განხორციელებას გეგმავს.

სოფლის მეურნეობის მინისტრმა, ლევან დავითაშვილმა შეხვედრაზე საქართველოში თხილის დარგში არსებულ პოტენციალზე ისაუბრა და განაცხადა, რომ დარგის განვითარებისთვის შექმნილია თხილის ტექნიკური რეგლამენტი, დანერგილია საერთაშორისო რეგულაციები და კონტროლის სისტემა. მინისტრმა ხაზი გაუსვა სახელმწიფოსთვის საერთაშორისო ბაზარზე ქართული თხილის მაღალი რეპუტაციის სახელის დამკვიდრების მნიშვნელობას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს