|
2017-07-18 16:28:45, 2069 ნახვა
ეკონომიკა
პრემიერი: მზად ვართ უკრაინულ ბიზნეს წრეებს საქართველოში არსებული კომფორტული პირობები შევთავაზოთ
„ორივე ქვეყანას გააჩნია ასოცირების ხელშეკრულება და თავისუფალი სავაჭრო რეჟიმი ევროკავშირთან, არცერთი ქვეყანა არ იშურებს ძალისხმევას, რომ ევროპულ სტანდარტებს დავუახლოვოთ საკუთარი კანონმდებლობა და ინსტიტუციები“,-ამის შესახებ პრემიერ-მინისტრმა გიორგი კვირიკაშვილმა საქართველო-უკრაინის ბიზნეს ფორუმზე სიტყვით გამოსვლისას განაცხადა. როგორც პრემიერმა აღნიშნა, უკრაინა საქართველოს სავაჭრო პარტნიორობის ხუთეულში რჩება. „მოგეხსენებათ უკრაინა-საქართველოს მნიშნელოვანი სავაჭრო-ეკონომიკური პარტნიორია. ის რჩება საქართველოს სავაჭრო პარტნიორების ხუთეულში. ორივე ქვეყანას გააჩნია ასოცირების ხელშეკრულება და თავისუფალი სავაჭრო რეჟიმი ევროკავშირთან. არცერთი ქვეყანა არ იშურებს ძალისხმევას, რომ ევროპულ სტანდარტებს დავუახლოვოთ საკუთარი კანონმდებლობა და ინსტიტუციები. ორივე ქვეყანა მონაწილოებას გლობალური მნიშვნელობის რეგიონალურ-სატრანზიტო-სატრანსპორტო პროექტებში. მიუხედავად ამისა, დარწმუნებული ვარ, რომ ჯერ ყველა შესაძლებლობა ათვისებული არ არის როგორც სავაჭრო ისე საინვესტიციო და ერთობლივი საწარმოების შექმნის კუთხით. ორმხრივი ვაჭრობის კუთხით შემდგომი ზრდის სერიოზული პოტენციალი გაგვაჩნია. 2016 წლის მონაცემებით ორ ქვეყანას შორის სავაჭრო ბრუნვა დაახლოებით 500 მილიონ დოლარამდე და აშკარაა შემდგომი გაფართოების შესაძლებლობა. ასევე სერიოზულ პერსპექტივებს ვხედავთ საინვესტიციო ნაკადების ზრდის მიმართულებით. საქართველო ინვესტორებს სთავაზობს ხელსაყრელ საინვესტიციო კლიმატს, რომელიც კიდევ უფრო მიმზიდველი ხდება საქართველოს მიერ გაფორმებული თავისუფალი ვაჭრობის შეთანხმებებით. ამ მხრივ განსაკუთრებით მნიშნელოვანია საქართველო-ჩინეთის თავისუფალი ვაჭრობის შეთანხმება. ეს შეთანხმება მნიშნელოვან შესაძლებლობებს სთავაზობს უკრაინელ ინვესტორებს და გვჯერა, რომ იგი დამატებით ბიძგს მისცემს ქართულ-უკრაინული საინვესტიციო ურთიერთობების გაღრმავებას. ამიტომაც ვფიქრობ, რომ დღევანდელი ბიზნეს-ფორუმი კარგი შესაძლებლობაა ამ მიმართულებით ნაყოფიერი თანამშრომლობისთვის. საქართველო უკანასკნელ პერიოდში აქტიურად და წარმატებულად ახორციელებს მთელ რიგ რეფორმებს, რაც აისახა კიდეც სხვადასხვა საერთაშორისო ორგანიზაციების რეიტინგში. მსოფლიო ეკონომიკური ფორუმის 2016-2017 წლების გლობალურიო კონკურენტუნარიანობის ინდექსში 138 ქვეყანას შორის საქართველო 59-ე ადგილზეა. 2012-2013 წლებთან შედარებით 18 პოზიციით დაწინაურდა. ბიზნესის კეთების სიმარტივის, 2017 წლის რეიტინგში 139 ქვეყანას შორის საქართველო მე-16 ადგილს იკავებს. უნდა აღინიშნოს, რომ საქართველომ განსაკუთრებული პროგრესი განიცადა საკუთრების დაცვის რეიტინგში, სადაც თითქმის გააორმაგა საკუთარი პოზიტიური რეიტინგი. ჩვენ დიდ მნიშვნელობას ვანიჭებთ ბიზნესსექტორთან თანამშრომლობას, რადგან მიგვაჩნია რომ სწორედ ის არის ქვეყნის ეკონომიკური განვითარების მთავარი მამოძრავებელი ძალა“,-განაცხადა პრემიერმა. კვირიკაშვილის თქმით, ის დარწმუნებულია, რომ დღევანდელი ბიზნესფორუმი საინტერესოდ წარიმართება და კონკრეტული ბიზნესინტერესები გამოიკვეთება. „დღეს ჩვენ მზად ვართ უკრაინულ ბიზნეს წრეებს შევთავაზოთ საქართველოში არსებული მაქსიმალურად კომფორტული პირობები ბიზნესის განვითარებისთვის. დარწმუნებული ვარ, რომ დღევანდელი ბიზნესფორუმი საინტერესოდ წარიმართება, გამოიკვეთება კონკრეტული ბიზნესინტერესები და გაჩნდება ბიზნეს თანამშრომლობის ახალი პერსპექტივები. მინდა გამოვთქვა იმედი, რომ საქართველო უკრაინას შორის სავაჭრო-ეკონომიკური თანამშრომლობა სულ მალე ისეთ დონეს მიაღწევს, როგორიც ჩვენი ორი ქვეყნის ისტორიულ და პოლიტიკურ ურთიერთობებს შეეფერება“,-დასძინა პრემიერმა.
ქართველი პოეტი, მსახიობი, რეჟისორი საშა გველესიანი 58 წლის ასაკში გარდაიცვალა
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



