2017-07-17 18:49:20, 2488 ნახვა
საზოგადოება
ნატოს შესახებ საინფორმაციო ცენტრის საზაფხულო სკოლა მოსწავლეებისთვის დაიწყო
ნატოსა და ევროკავშირის შესახებ საინფორმაციო ცენტრის საზაფხულო სკოლა მოსწავლეებისთვის დაიწყო.
სამი დღის განმავლობაში მონაწილეები ნატოსა და ევროკავშირის შესახებ ინფორმაციას საინფორმაციო ცენტრის წარმომადგენლებისგან მიიღებენ.
საზაფხულო სკოლა საინფორმაციო ცენტრის დირექტორის მოადგილემ გიორგი ფარეშიშვილმა გახსნა და ევროპული და ევროატლანტიკური ინტეგრაციის მნიშვნელობაზე, პროგრესსა და ქვეყნის განვითარებაში ევროინტეგრაციის პროცესის როლზე ისაუბრა. საზაფხულო სკოლის ფარგლებში, მოსწავლეები გაეცნობიან ნატოსა და ევროკავშირის ისტორიას, ორგანიზაციებთან საქართველოს თანამშრომლობის საკითხებს, ევროპულ ღირებულებებსა და უვიზო მიმოსვლის თავისებურებებს.
საზაფხულო სკოლა 19 ივლისს დაიხურება. მოსწავლეებისთვის მსგავის აქტივობები მომავალშიც გაგრძელდება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
