2017-07-16 19:11:19, 2576 ნახვა

---

თურქეთის ჯანდაცვის სამინისტრო დაშავებულ საქართველოს მოქალაქეებს სამედიცინო დახმარების სრულ მხარდაჭერას აღმოუჩენს

თურქეთის ჯანდაცვის სამინისტრო ავტოსაგზაო შემთხვევის შედეგად დაშავებულ საქართველოს მოქალაქეებს სამედიცინო დახმარების მიმართულებით სრულ მხარდაჭერას აღმოუჩენს.

აღნიშნულთან დაკავშირებით, სატელეფონო საუბარი გაიმართა საქართველოს ჯანდაცვის მინისტრ დავით სერგეენკოსა და მის თურქ კოლეგას რეჯებ აკდაღს შორის.

როგორც „ექსპრესნიუსს“ ჯანდაცვის სამინისტროდან აცნობეს, თურქეთის ჯანდაცვის მინისტრი პირადად არის ჩართული ამ საკითხში და დეტალურ ინფორმაციას ფლობს თითოეული პაციენტის ჯანმრთელობის მდგომარეობაზე.

ავტოსაგზაო შემთხევა დღეს ტრაბზონიდან 120 კილომეტრში, გირესუნის მახლობლად მოხდა. ავტოავარიის შედეგდ 38 ადამიანი დაშავდა.

ცეკვის ანსამბლი გასტროლებზე ბულგარეთში მიემგზავრებოდა.

(NS) 

 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი