ოკუპირებულ აფხაზეთში რუსი ტურისტის მკვლელობაში ეჭვმიტანილების ვინაობა დადგენილია

2017-07-13 17:47:44, 974 ნახვა

რეგიონი

ოკუპირებულ აფხაზეთში 11 ივლისს რუსი ტურისტის მკვლელობაში ეჭვმიტანილთა ვინაობა ცნობილია, - ამის შესახებ "სპუტნიკ-აბხაზია" იუწყება.

მედია საშუალების ინფორმაციით, დე-ფაქტო შნაგან საქმეთა სამინისტრო ე.წ. გამოძიების ინტერესებიდან გამომდინარე, მათი გვარები არ სახელდება.

გარდა ამისა, ე.წ. უწყება არ აკონკრეტებს, თუ რამდენი პირია მკვლელობაში ეჭვმიტანილი.

დე-ფაქტო ძალოვანი უწყება ასევე არ იძლევა განმარტებას იმის შესახებ, დააკავეს თუ არა ეჭვმიტანილები. პარალელურად რუსული მედია, ოკუპირებული რეგიონის დე ფაქტო გენერალურ პროკურატურაზე დაყრდნობით წერს, რომ მკვლელობაში ბრალდებული რამდენიმე პირია დაკავებული.

მომხდართან დაკავშირებით გამოძიება რუსეთმაც დაიწყო და სისხლის სამართლის საქმე აღძრა.

შეგახსენებთ, რომ 11 ივლისს გუდაუთაში, ბოროტმოქმედები რუს ტურისტებს დაესხნენ თავს, რა დროსაც გაიტაცეს ბავშვები და ერთი ტურისტი მოკლეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან