12 ივლისს, აჭარის ავტონომიური რესპუბლიკის შუახევის მუნიციპალიტეტში აჭარის რეგიონალური მრგვალი მაგიდის ფორმატში დისკუსია გაიმართა, სადაც ევროპასთან ღრმა და ყოვლისმომცვლელი თავისუფალი ვაჭრობის (DCFTA) განხორციელების კუთხით კერძო და საჯარო სექტორს შორის დიალოგის რეჟიმის გაძლიერებაზე იმსჯელეს.

შეხვედრაში საქართველოს აღმასრულებელი ხელისუფლების, კერძო სექტორისა და ადგილობრივი თვითმმართველობის წარმომადგენლები მონაწილეობდნენ. დისკუსია ევროკავშირთან ასოცირების შეთანხმების განხორციელებისა და ამ მიმართულებით, მთავრობასა და კერძო სექტორს შორის დიალოგის ფარგლებში გაიმართა. ღონიძიების ორგანიზატორი ევროკავშირის პროექტი „ასოცირების შეთანხმების განხორციელების მხარდაჭერა“ იყო.  

ღონისძიების მონაწილეებს მისასალმებელი სიტყვით მიმართეს ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა ვიქტორ დოლიძემ, აჭარის მთავრობის თავმჯდომარემ ზურაბ პატარაძემ, საქართველოს სოფლის მეურნეობის მინისტრის პირველმა მოადგილემ ნოდარ კერესელიძემ და ასოცირების შეთანხმების განხორციელების მხარდამჭერი პროექტის ხელმძღვანელმა იოლანტა ტაჩინსკამ. დისკუსიას მოდერაცია საქართველოს ეკონომიკისა და მდგრადი განვითარების   მინისტრის მოადგილემ გენადი არველაძემ გაუწია. მრგვალი მაგიდის ფარგლებში, აღმასრულებელი ხელისუფლების წარმომადგენლებმა ღონისძიების მონაწილეებს პროექტის ეფექტიანად განხორციელების მიზნით საკუთარი უწყებების  მიერ შემუშავებული გეგმებიც გააცნეს.  

დიალოგის მიზანია ევროკავშირთან ღრმა და ყოვლისმომცველი  სავაჭრო სივრცის(DCFTA) შესახებ შეთანხმებისა და ევროკავშირის კანონმდებლობასთან დაახლოების მიზნით  მიმდინარე რეფორმების შესახებ სამიზნე ჯგუფებისთვის დეტალური ინფორმაციის მიწოდება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!