ავღანეთის პროვინცია ფარაჰში, ტერორისტული დაჯგუფება „თალიბანის“ წევრები სამგზავრო ავტობუსს თავს დაესხნენ, - ამის შესახებ Tolo News იუწყება.

მედია საშუალების ინფორმაციით, ტერორისტებმა სამგზავრო ავტობუსის გააჩერეს, 7 ადამიანი გამოიყვანეს და ჩაცხრილეს. ამასთან, თავდამსხმელებმა გზაზე, რომელიც ქალაქებს ფარაჰსა და ჰერათს აკავშირებს, მოძრაობა ჩაკეტეს.

როგორც მედია წერს, ავღანეთის უსაფრთხოების სამსახურის მიერ ჩაატარებული სპეცოპერაციის შედეგად, 10 ტერორისტი მოკლეს და 7 დაჭრეს.

შეგახსენებთ, ბოლო რამდენიმე თვეა ავღანეთში სიტუაცი მკვეთრად გაუარესდა. თალიბანმა, რომელიც აქამდე ქვეყნის რეგიონების მნიშვნელოვან ტერიტორიებს აკონტროლებდა, დიდ ქალაქებზე თავდასხმები დაიწყო. ავღანეთში „ისლამური სახელმწიფოს“ გავლენაც გაძლიერდა.  აღსანიშნავია, რომ ოფიციალურად მომხდარ თავდასხმაზე "თალიბანს" პასუხისმგებლობა ჯერ არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ტოიოტა ცენტრი თეგეტამ“ საქართველოში სრულად ელექტრო Toyota bZ4X წარადგინა

აგვისტოში, საარსებო შემწეობის მიმღებთა რიცხვი კიდევ 6500-ით შემცირდა,- რეჟიმი ხალხს შემწეობას აღარ უხდის

უნგრეთი აშშ-ს თხოვს არ დასაჯოს „ჯოჯოხეთური სანქციებით“ ლინდსი გრეჰემის აქტის შესაბამისად

ბაქო-თბილისი-ჯეიჰანის მილსადენით ნავთობის გადაზიდვა შემცირდა