აჭარის ავტონომიური რესპუბლიკის მთავრობის თავმჯდომარე არჩილ ხაბაძე ლიტვის რესპუბლიკის საგანგებო და სრულუფლებიან ელჩს საქართველოში იონას პასლაუსკასს შეხვდა.

აჭარის მთავრობის პრესსამსახურის ინფორმაციით, შეხვედრაზე განიხილეს და შეაფასეს სოფლის მეურნეობისა და ტურიზმის სფეროში განხორციელებული პროექტები. ისაუბრეს  ბათუმში ლიტვის საპატიო საკონსულოს შექმნაზე. ასევე ლიტვისა და საქართველოს რეგიონებისა და ქალაქების დამეგობრებაზე.

აჭარის მთავრობის თავმჯდომარემ ლიტვის ელჩს ნაყოფიერი თანამშრომლობისთვის და აჭარის ავტონომიურ რესპუბლიკის მხარდაჭერისთვის, მადლობის სიგელი გადასცა.

 „ელჩთან თანამშრომლობა ძალინ პროდუქტიული იყო. ჩვენ დავიწყეთ რამდენიმე მიმართულებით მუშაობა, განსაკუთრებით სოფლის მეურნეობისა და ტურიზმის მიმართულებით. განვიხილეთ საკითხი ახალი საჰაერო რეისების დანიშვნასთან დაკავშირებით, რაც ხელს შეუწყობს ჩვენს რეგიონში ტურისტების რაოდენობის ზრდას. ლიტვის სახელმწიფო გეგმავს ბათუმში საპატიო კონსულის დანიშვნას. ეს კი  ნიშნავს იმას, რომ  გვექნება საშუალება გადაიდგას ნაბიჯები საინვესტიციო, ბიზნესის, ტურიზმისა და სხვა მიმართულებებით. ასევე აღსანიშნავია, რომ მიმდინარეობს მუშაობა ორი ქვეყნის რეგიონებისა და ქალაქების დამეგობრებზე. მიმაჩნია, რომ აუცილებელია  დაწყებული ინიციატივების განხორციელება“, -აღნიშნა არჩილ ხაბაძემ.

როგორც ლიტვის ელჩმა იონას პასლაუსკასმა აღნიშნა, ბათუმში საკონსულოს გახსნა იგეგმება, რაც მისივე თქმით, მომავალ თანამშრომლობას ხელს შეუწყობს.

„აჭარის მთავრობის თავმჯდომარესთან შეხვედრაზე განვიხილეთ მომავალი თანამშრომლობის საკითხები. იგეგმება ბათუმში საკონსულოს გახსნა, რაც ხელს შეუწყობს მომავალ თანამშრომლობას. ამ ეტაპზე მიზნად ვისახავთ ჩვენი რეგიონებისა და ქალაქების თანამშრომლობის გაღრმავებას. მოხარული ვარ, რომ ლიტვაში საქართველოს მიმართ ინტერესი არის. ახალი საჰაერო  რეისის დანიშვნის შედეგად საქართველოში ბევრი ლიტველი ტურისტი ჩამოვა“, -განაცხადა იონას პასლაუსკასმა

დღევანდელი შეხვედრა ელჩის მიერ მისიის დასრულებას უკავშირდებოდა. იონას პასლაუსკასი ლიტვის რესპუბლიკის საგანგებო და სრულუფლებიან ელჩად 2010 წლის 3 მაისს დაინიშნა. ბატონი ელჩი მონაწილეობდა ლიტვის დიპლომატიური სამსახურის აღდგენაში და საზღვარგარეთ ლიტვური დიპლომატიური წარმომადგენლობის შექმნაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას