საქართველოს პრეზიდენტი გიორგი მარგველაშვილი პრემიერთან  და ხელისუფლების სხვა წარმომადგენლებთან ერთად ამერიკის შეერთებული შტატების დამოუკიდებლობის დღისადმი მიძღვნილ საზეიმო მიღებას დაესწრო.

მარგველაშვილმა ამერიკის ელჩს და ამერიკელ ხალხს ამერიკის დამოუკიდებლობის დღე მიულოცა.

 მისალოც მიმართვაში საქართველოს პრეზიდენტმა დასავლური ღირებულებების ერთგულებასა და ქვეყანაში მიმდინარე საკონსტიტუციო პროცესზე ისაუბრა.

 გიორგი მარგველაშვილი მიესალმა პრემიერის დღევანდელ წინადადებას საკონსტიტუციო პროცესში აქტიური დიალოგის შესახებ, მოუწოდა პოლიტიკურ პარტიებს აქტიურად ჩაერთონ საკონსტიტუციო დიალოგში, საპარლამენტო უმრავლესობას კი  - არ იძალადოს პოლიტიკურ პროცესებზე.

 „კაცობრიობის ისტორიაში ძალიან ცოტაა ისეთი ამაღელვებელი ტექსტი, როგორც დამოუკიდებლობის დეკლარაციაა.ამ დეკლარაციის ავტორები ნათლად ხედავდნენ, რომ ადამიანი გაჩენილია თავისუფალი უფლებით, ღმერთისგან მიცემული უფლებით- ესწრაფოდეს ბედნიერებას და ამ განცხადებას აფუძნებენ და ხელს აწერენ თავისი სიცოცხლით, თავის ქონებით და თავისი ღირსებით.

 გამომდინარე იქედან, რომ ამერიკელმა ხალხმა 240 წელზე მეტი შესძლო ამ იდეალების მსახურება, ვართ ჩვენ აქ და ვზეიმობთ თქვენთან ერთად.სწორედ იმიტომ რომ, ამ მაღალი იდეალების მსახურება შეძლო თქვენმა ქვეყანამ და ერმა, ჩვენ ვართ ამაყი, რომ ვართ თქვენი მოკავშირეები. ჩვენ ვართ ამაყი, რომ ჩვენი მამაკაცი და ქალი სამხედროები თქვენს ჯარისკაცებთან ერთად იბრძვიან. ჩვენ ვართ ამაყი, რომ თქვენთან ერთად ვემსახურებით თავისუფლების, დამოუკიდებლობის, ადამიანის ღირსების ღირებულებებს.

 დღეს, როდესაც აღვნიშნავთ დამოუკიდებლობის დღეს, აღვნიშნავთ ყველა იმ ადამიანის ღვაწლს, რომელმაც ამ 200-ზე მეტი წელია არ დაწია დაბლა მაღალი იდეალების დროშა და ბოლომდე ემსახურებოდა მას ყოველდღიურ პოლიტიკურ ცხოვრებაში.ეს გზაგასაყარი ყოველდღე დგება და დღესაც, როდესაც საქართველო კიდევ ერთ ნაბიჯს დგამს დემოკრატიის გაღრმავების მიმართულებით ჩვენ ყურადღებით ვუბრუნდებით ამ იდეალებს.ამიტომაც, მიმდინარე პოლიტიკური კონტექსტიდან-საკონსტიტუციო პროცესში, მინდა მივესალმო პრემიერმინისტრის  წინადადებას საზოგადოებასთან და პოლიტიკურ პარტიებთან აქტიური დიალოგის   შესახებ.მინდა მოუწოდო პოლიტიკურ ძალებს, პოლიტიკურ ოპოზიციას, საზოგადოებრივ ჯგუფებს აქტიურად ჩაერთონ კონსტიტუციის განხილვის პორცესში, რათა კონსიტიტუცია შედგეს როგორც თანხმობის, როგორც ერის გამაერთიანებელი დოკუმენტი, ისე, როგორც დამფუძნებელმა მამებმა დამოუკიდებლობის დეკლარაციიდან სულ რამდენიმე წელიწადში შექმნეს შეერთებული შტატების კონსტიტუცია.მინდა მოუწოდო საპარლამენტო უმრავლესობას, არ იძალადოს პოლიტკურ პროცესზე და აქტიურად  დიალოგი აწარმოოს საზოგადოებასთან და პოლიტიკურ ოპოზიციასთან.ასეთი აქტიური დიალოგით ჩვენ ვიქნებით ერთგული იმ ღირებულებების, რომელიც არსებობს ქართულ კულტურაში, იმ ღირებულებების, რომელთაც დღეს აღვნიშნავთ.კიდევ ერთხელ გილოცავთ დღევანდელ მნიშვნელოვან დღეს", - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული Yandex-ის საჩივრის საფუძველზე კონკურენციის სააგენტომ Wolt-ისა და Glovo-ს წინააღმდეგ მოკვლევა დაიწყო

მთავრობამ საქართველოს განვითარების ფონდი გააუქმა

მთავრობამ საპატრიარქოს გორის სოფელ ხელთუბანში, ქონება უსასყიდლოდ 99 წლით გადასცა

ძალადობის მხარდამჭერი ძალადობის თანამონაწილეა - ფეხბურთში ქალთა ეროვნული ლიგის თამაში პროტესტის ნიშნად ჩაიშალა