აჭარის ა/რ მთავრობის თავმჯდომარე ზურაბ პატარაძე აჭარის ა/რ ფინანსთა მინისტრთან რამაზ ბოლქვაძესთან ერთად ყაზახური კომპანიის, „ყაზმუნაი გაზის" ხელმძღვანელ პირებს შეხვდა. შეხვედრას ყაზახური მხრიდან ესწრებოდნენ, ვიცე-პრეზიდენტი დაურენ კარაბაევი, აქტივების დეპარტამენტის დირექტორი ლუიზა აკანოვა და სერვისების დირექტორთა საბჭოს თავმჯდომარე კაირათ ასკაროვი. შეხვედრას ესწრებოდა ასევე „ბათუმის ნავთობის ტერმინალი"-ს გენ.დირექტორი ბახიჯან ნამაევი. 

ზურაბ პატარაძემ შეხვედრის მონაწილეებს აჭარის რეგიონის ტურისტული და საინვესტიციო პოტენციალი გააცნო. მისი თქმით, ყაზახური მხრიდან გაზრდილია ინტერესი საქართველოს, კერძოდ, აჭარის რეგიონის მიმართ, რასაც ადასტურებს ბოლო პერიოდში ყაზახეთიდან შემოსული ტურისტების მზარდი რაოდენობა. მთავრობის თავმჯდომარემ აჭარაში მიმდინარე წარმატებული ტურისტული სეზონის შესახებ ისაუბრა. როგორც ზურაბ პატარაძემ აღნიშნა, ბათუმის საერთაშორისო აეროპორტში წლევანდელ სეზონზე კვირაში 100-მდე ფრენა ხორციელდება 38 მიმართულებით, მათ შორის, ყაზახეთიდან 6 რეგულარული და ჩარტერული ფრენა.

აჭარის მთავრობის თავმჯდომარის თქმით, მიმზიდველ საინვესტიციო და ტურისტულ პოტენციალს ზრდის აჭარის სატრანზიტო კორიდორის როლი. როგორც ცნობილია,  ევროპიდან კავკასიისა და ცენტრალური აზიის მიმართულებით მშრალი, თხევადი და საკონტეინერო ტვირთების გადაზიდვა, ასევე მგზავრების გადაყვანა, სწორედ, ბათუმის საზღვაო ნავსადგურის საშუალებით ხორციელდება. ამ კუთხით, მნიშვნელოვანია ყაზახური კომპანიის როლი, რომელიც  ბათუმის პორტის 100% წილის მართვის ექსკლუზიურ უფლებას ფლობს. შეხვედრაზე ყურადღება გამახვილდა ბათუმის პორტში ტვირთბრუნვის  შესაძლებლობების გაზრდაზე. 

ყაზახურმა მხარემ აჭარის მთავრობის თავმჯდომარეს და ეკომომიკის მინისტრს საინვესტიციო მიმართულებით თავიანთი წინადადებები გააცნო. მხარეებს შორის ახალ საინვესტიციო პროექტზე მუშაობა განხილვის პროცესშია. „ყაზმუნაი გაზი" ყაზახეთში ერთ-ერთ მსხვილ კომპანიას წარმოადგენს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!