„კახი არის გამორჩეული ადამიანი ჩვენს გუნდში, ის არის პროფესიონალი, ძალიან ღირსეული ადამიანი, წარმატებებს ვუსურვებ და დარწმუნებული ვარ, რომ მისი საარჩევნო კამპანიაც ისეთივე შთამბეჭდავი და წარმატებულიიქნება,  როგორც დღევანდელი პრეზენტაცია“ - ამის შესახებ საქართველოს ეკონომიკისა და მდგრადი განვითარების მინისტრმა, გიორგი გახარიამ „ექსპო ჯორჯიაში“ გამართული ღონისძიების შემდეგ განაცხადა, სადაც ვიცე-პრემიერმა, ენერგეტიკის მინისტრმა კახა კალაძემ ხუთწლიანი მოღვაწეობის ანგარიში „ენერგეტიკული (რ)ევოლუცია“ წარადგინა.

ანგარიშის დასრულების შემდეგ ვიცე-პრემიერმა დამსწრე საზოგადოებას განუცხადა, რომ ტოვებს ენერგეტიკის მინისტრის თანამდებობას და თბილისის მერის არჩევნებში მონაწილეობისთვის ემზადება.

„კახი კალაძის მინისტრობის პერიოდში ამ ქვეყანაში გაკეთდა ქარის პირველი სადგური, პრაქტიკულად, საფუძველი ჩაეყარა მზის ენერგიის ამუშავებას, დაიდგა ისეთი სიმძლავრეები, რაც წლების განმავლობაში არ გაკეთებულა. კახის მსგავსი ფასეულობებისა და პერსონალური თვისებების ადამიანი გააძლიერებდა ყველა გუნდს. ის ძალიან ღირსეული ადამიანია და თამამად შემიძლია ვთქვა, რომ პირადი თვისებები მას აძლევს ყველა საშუალებას იმისთვის, რომ გაიმარჯვოს არჩევნებში და იყოს წარმატებული მერი.  ხაზგასმით მინდა აღვნიშნო, რომ პოლიტიკაში ასეთი ფასეულობების, ასეთი გუნდურობის მაღალი ხარისხისა და პირადი თვისებების მქონე ადამიანი ჩვენს ქვეყანაში რაც უფრო მეტი გვეყოლება, იქნება უფრო უკეთესი“ - განაცხადა გიორგი გახარიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ფორმულას" განცხადებით, დავალიანების გამო არხის ღია სიგნალით მაუწყებლობა შეწყდა

მედვედევმა ფაშინიანს და ზელენსკის „ორი უტვინო რუსოფობი“ უწოდა

ზელენსკიმ 5-6 მაისის ღამეს ცეცხლის შეწყვეტა გამოაცხადა

ჩერნობილის კატასტროფის სამაშველო სამუშაოების ხელმძღვანელმა და РХБЗ სამხედრო ძალების უფროსმა- გენერალმა თავი მოიკლა