ამერიკის შეერთებული შტატების პრეზიდენტის დონალდ ტრამპის შეფასებით, რუსეთი საერთაშორისო არენაზე დესტაბილიზაციის გამომწვევ ქმედებებს ახორციელებს და მტრულად განწყობილ რეჟიმებს უჭერს მხარს.

ამერიკის პრეზიდენტმა რუსეთს მოუწოდა, უკრაინასა და სხვა რეგიონებში დესტაბილიზაციური ქმედებები შეწყვიტოს.

"რუსეთს მოვუწოდებთ შეწყვიტოს დესტაბილიზაციის გამომწვევი საქმიანობა უკრაინაში და სხვა რეგიონებში. რუსეთმა უნდა შეწყვიტოს მტრულად განწყობილი რეჟიმების, მათ შორის სირიისა და ირანის მხარდაჭერა. ამის ნაცვლად რუსეთი უნდა შეუერთდეს პასუხისმგებლიანი ერების თანამეგობრობას, იბრძოლოს საერთო მტრის წინააღმდეგ და დაიცვას ცივილიზაცია", - განაცხადა ტრამპმა.

ცნობისთვის, აშშ-ის პრეზიდენტი პოლონეთში ევროპული ტურნეს ფარგლებში იმყოფება. ხვალ ტრამპს ჰამბურგში ელოდებიან, სადაც ის „დიდი ოცეულის“ სამიტში მიიღებს მონაწილეობას. ამასთან, ხვალ დონალდ ტრამპის და ვლადიმერ პუტინის პირველი შეხვედრა გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში

ჯანდაცვა: იზრდება სოცდაუცველი და მრავალშვილიანი ოჯახებისთვის დენის სუბსიდირების თანხა

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი