დღეს ტექნოლოგიურ პარკში ევროპის რეკონსტრუქციისა და განვითარების ბანკის   (EBRD), ეკონომიკისა და მდგრადი განვითარების სამინისტროს და დამოუკიდებელ დირექტორთა გაერთიანების ინიციატივით კონფერენცია გაიმართა, სადაც მოხსენება გააკეთეს საქართველოს ეკონომიკისა და მდგრადი განვითარების მინისტრის მოადგილემ ირმა ქავთარაძემ,  EBRD-ის რეგიონულმა დირექტორმა ბრუნო ბალვანერამ  და დამოუკიდებელ დირექტორთა ასოციაციის წევრმა საშა  ტერნესმა.

კონფერენცია „მეწარმეთა შესახებ“ კანონში წელს და გასულ წელს შეტანილ ცვლილებებს შეეხო, რომელთა მიზანს კორპორატიული მართვის პრინციპების  განმტკიცება, მცირე აქციონერთა უფლებების დაცვა და დამოუკიდებელ დირექტორთა ინსტიტუტის შემოღება წარმოადგენდა.  აღნიშნული ხელი შეუწყობს ინვესტიციების მოზიდვას და მცირე აქციონერთა განვითარებას შესაბამის ბაზრებზე.

როგორც ეკონომიკისა და მდგრადი განვითარების მინისტრის მოადგილემ, ირმა ქავთარაძემ განაცხადა, საქართველოსთვის ეს ნაბიჯი მნიშვნელოვან ფაქტორს წარმოადგენს, ხოლო არსებული საწარმოები  შედარებით უფრო თანამედროვე სტანდარტების დაკმაყოფილებას შეძლებენ.

,,ამ ცვლილებები შედეგად საქართევლოში  კორპორატიული მართვის პრინციპები  უფრო განმტკიცდა, რამაც, თავის მხრივ, ხელი შეუწყო  იმას, რომ მეტი  ინვესტიცია იქნეს მოზიდული საწარმოებში და უფრო მეტად იქნეს დაცული მცირე აქციონერთა ინტერესები. ეს გაერთიანება ხელს შეუწყობს  კორპორატიული მართვის პრინციპები პრაქტიკულ განხორციელებას საწარმოებში, რათა კომპანიებმა დაინახონ  ის სარგებელი, რომელსაც იღებენ  კორპორატიული მართვის პრინციპების დანერგვის შემდეგად“, - განაცხადა ირმა ქავთარაძემ.

კონფერენციაზე აღინიშნა, რომ კომპანისთვის მნიშვნელოვან ფაქტორს წარმოადგენს იმ სექტორის მოსაზრებები, რომლებიც არ არიან გაერთიანებულები ამ ინსტიტუტში. როგორც EBRD – ის დირექტორმა ბრუნო ბალვანერამ განაცხადა, აღნიშნული ღონისძიება სწორედ დამოუკიდებელ დირექტორთა გაერთიანების საქმიანობის სპეციფიკის გაცნობას დაეთმო.

,,დღეს  აქ კომპანიის დამოუკიდებელ დირექტორთა  გაერთიანების   ბენეფიციარები შევიკრიბეთ. აქ ასევე არიან ისეთი ადამიანები, რომლებიც ჯერ არ არიან ამ ოჯახის წევრები, თუმცა მათი შეხედულებები დიდ გავლენას ახდენენ ჩვენი კომპანიის გადაწყვეტილებებზე და მიზნებზე.  ჩვენ გვჯერა,   რომ EBRD-ს შეუძლია დიდი ღირებულებების მოტანა  საქართველოში იმ სექტორის წარმომადგენლებისთვისაც,  რომლებიც არ არიან ამ კომპანიის წევრები, რომ მათ შეძლონ  დაამკვიდრონ საკუთარი ღირებულებები და გაწევრიანდნენ დამოუკიდებელ დირექტორთა გაერთიანებაში, რაც მომგებიანი იქნება როგორც ჩვენი კომპანიისთვის,  ასევე მათთვისაც“, - განაცხადა ბრუნო ბალვანერამ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!