საქართველოში ევროკავშირის სადამკვირვებლო მისია ადასტურებს, რომ სოფელ ბერშუეთთან ე.წ. ბორდერიზაციის ქმედებები ივნისის თვეში დაფიქსირდა.

როგორც მისიის განცხადებაშია აღნიშნული, დღეს მედიის მიერ ბერშუეთის ( გდულეთის ) მახლობლად ახალი მწვანე ბანერის დამონტაჟების თაობაზე გავრცელებული ინფორმაციის მიღების შემდეგ, ადგილზე რეალურ დროში არსებული ვითარების დასადგენად დაუყოვნებლივ გაიგზავნა საპატრულო ჯგუფი.

„ევროკავშირის სადამკვირვებლო მისიას შეუძლია დაადასტუროს, რომ საბორდერიზაციო ქმედებები გდულეთის მიდამოებში ივნისში მოხდა, მაგრამ არ შეუძლია დაადასტუროს ახალი მწვანე ბანერების დამონტაჟება გასული კვირის განმავლობაში.

ევროკავშირის სადამკვირვებლო მისიის მიერ ჩატარებულ დაკვირვებათა თანახმად, რამდენიმე მწვანე ბანერი დამონტაჟდა ბერშუეთის ( გდულეთის ) მახლობლად 2017 წლის 19 ივნისს   ადმინისტრაციულ საზღვართან ძალიან ახლოს, ადგილზე, რომელიც არ არის საქართველოს მთავრობის კონტროლის ქვეშ ( თბილისის მიერ ადმინისტრირებულ ტერიტორიაზე).

მიუხედავად ამისა, ევროკავშირის სადამკვირვებლო მისია მიიჩნევს, რომ მწვანე ბანერების განთავსება გაუმართლებელია. საბორდერიზაციო ქმედებები ნებისმიერი ფორმით, მათ შორის ასეთი ბანერების განთავსებით, ქმნის დაბრკოლებებს გადაადგილების თავისუფლებისთვის და წლების განმავლობაში აქ მომუშავე ფერმერებს თავიანთი მიწის დამუშავების საშუალებას არ აძლევს.

ეს საკითხი შესაძლებელია განხილული იყოს 2017 წლის 11 ივლისს ერგნეთში ინციდენტების პრევენციისა და მათზე რეაგირების მექანიზმის შემდეგ შეხვედრაზე.

ევროკავშირის სადამკვირვებლო მისია გააგრძელებს საბორდერიზაციო ქმედებებზე ზედმიწევნით დაკვირვებას“, - ნათქვამია ევროკავშირის სადამკვირვებლო მისიის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი