შინაგან საქმეთა მინისტრის მოადგილის არჩილ თალაკვაძის შეფასებით, პანკისიდან სირიაში ქართველ მებრძოლთა წასვლა არა ქართული ან რელიგიური პრობლემა, არამედ გლობალური განოწვევაა.

„ეს არის საერთაშორისო პრობლემა, რომელიც მჭიდრო კავშირშია ტერორიზმთან, ძალადობასთან და ისლამის ძალიან არასწორ ინტერპრეტაციასთან. თუ რატომ არსებობს ეს პრობლემა პანკისში, რა თქმა უნდა ამაზე არსებობს კონკრეტული პასუხები, არგუმენტები. რაც შეეხება ჩვენს პასუხს იმ ადამიანების მისამართით ვინც ითხოვენ შინაგან საქმეთა სამინისტროს კიდევ უფრო გააქტიურებას, ვეტყვით, რომ ჩვენთვის მხოლოდ ეს ფაქტი ნამდვილად არ არის საფუძველი, რომ დავიწყოთ მოქმედება ამ პრობლემის წინააღმდეგ. შსს აქა,დეც მუშაობდა და მუშაობს ამ პრობლემის აღმოსაფხვრელად“, - აღნიშნა თალაკვაძემ.

მისივე თქმით, ქვეყნიდან ქართველ მებრძოლთა სირიაში წასვლის მხოლოდ ერთეული ფაქტები ფიქსირდება.

„მაგალითად ბელგიას ასეულობით ადამიანი ჰყავს დაკარგული უცხოეთში საბრძოლველად, თუნდაც ისლამური სახელმწიფოს ფარგლებში“, - განაცხადა არჩილ თალაკვაძემ.

მინისტრის მოადგილის მტკიცებით, არსებული პრობლემის მოგვარების მიზნით მუშაობა გაგრძელდება.

„რა თქმა უნდა ადგილობრივ საზოგადოებასთან, პანკისელებთან ერთად გავაგრძელებთ ამ პრობლემის წინააღმდეგ ბრძოლას. თუმცა, კიდევ ერთხელ ვამბობ, რომ ეს არის გლობალური გამოწვევა“, - აღნიშნა თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას