დიდუბის გამგებელი: ყველა დონეზე მოხდება ხანძრის შედეგად დაზარალებულების დახმარება

2017-07-03 10:58:05, 2196 ნახვა

კომენტარი

„პირველ რიგში, მინდა გამოვუცხადო მათ თანადგომა იმ დიდი ტრაგედიისთვის, რაც გუშინ მოხდა. ყველა ინსტანციაზე იქნება ამ ადამიანების დახმარება თვითმმართველობის მხრიდან“,-ამის შესახებ დიდუბის რაიონის გამგებელმა ირმა ზავრადაშვილმა ელიავას ბაზრობაზე გაჩენილი ხანძრის შედეგად დაზარალებულ მოვაჭრეებთან დაკავშირებით განაცხადა.

როგორც გამგებელმა აღნიშნა, ეს არის ტრაგედია, რომელიც ერთ რაიონის ფარგლებს შორდება და უნდა ჩაერთოს ცენტრალური ხელისუფლება და თვითმმართველობა.

„გამგეობის ბიუჯეტი ორიენტირებულია იმ ადამიანებზე, რომლებიც ამ რაიონში არიან რეგისტრირებული, შესაბამისად, ეს არის ტრაგედია, რომელიც ერთი რაიონის ფარგლებს შორდება და უნდა ჩაერთოს ცენტრალური ხელისუფლება და თვითმმართველობა. რა თქმა უნდა, ყველა იმ ინსტანციაზე, სადაც დახმარება საჭირო იქნება, მე ამ ადამიანების გვერდით ვიქნები. პირველ რიგში, მინდა გამოვუცხადო მათ თანადგომა იმ დიდი ტრაგედიისთვის, რაც გუშინ მოხდა. ყველა ინსტანციაზე იქნება ამ ადამიანების დახმარება თვითმმართველობის მხრიდან“,-განაცხადა დიდუბის გამგებელმა და ყველას მოუწოდა, ნუ ეცდებიან მომხდარის პოლიტიკური ქულების დასაწერად გამოიყენონ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან