ბესელია: კახა კალაძეს აქვს ყველა ის თვისება, რომელიც თბილისს წარმატებისთვის სჭირდება

2017-07-01 14:07:54, 2758 ნახვა

პოლიტიკა კომენტარი

იურიდიულ საკითხთა კომიტეტის თავმჯდომარის ეკა ბესელიას შეფასებით, კახა კალაძის თბილისის მერობის კანდიდატად არჩევა, მმართველი გუნდის სწორი გადაწყვეტილებაა.

როგორც ბესელიამ ჟურნალისტებს განუცხადა, კახა კალაძე გუნდის გამორჩეული წევრია.

„ჩვენმა გუნდმა მიიღო ძალიან სწორი გადაწყვეტილება. კახი კალაძე არის გამოცდილი, ძალიან კარგი და ძალიან მნიშვნელოვანი კანდიდატი, ასევე არის გამოცდილი პოლიტიკოსი. აქვს ყველა ის თვისება, რომელიც სჭირდება, რომ იყოს წარმატებული ქალაქის წარმატებული მერი. კახი იყო და არის გამორჩეული მთავრობის გუნდში, თავისი პასუხისმგებლობით და დამოკიდებულებით საქმისადმი. ეს გადაწყვეტილება ერთობლივად მივიღეთ“, - აღნიშნა ეკა ბესელიამ.

ცნობისთვის, პრემიერ-მინისტრი, "ქართული ოცნების" თავმჯდომარე გიორგი კვირიკაშვილი, თბილისის მერობის კანდიდატად კახა კალაძეს დღეს, 20:00 საათზე, მთაწმინდის პარკში ოფიციალურად წარადგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან