"მთავრობამ საგადასახადო ადმინისტრირება მნიშვნელოვნად გაამარტივა",-ამის შესახებ ფინანსთა მინისტრის მოადგილემ ლაშა ხუციშვილმა განაცხადა. 

როგორც  ხუციშვილმა აღნიშნა,   მთავრობამ, ბიზნესთან აქტიური კონსულტაციის შედეგად, საგადასახადო ცვლილებები მოამზადა, რომლითაც ეკონომიკური საქმიანობის წარმართვა საქართველოში კიდევ უფრო მომგებიანი გახდა. 

მისივე თქმით, ფინანსთა სამინისტრო  საგადასახადო კოდექსის სრულყოფას მომავალშიც განაგრძობს და ამ კუთხით ბიზნეს-საზოგადოებასთან თანამშრომლობას. 

აღსანიშნავია, რომ საგადასახადო კოდექსში შეტანილი ცვლილებით, რომელიც დღეს, პარლამენტმა მიიღო, მნიშვნელოვნად გამარტივდა საგადასახადო ადმინისტრირება. 

აღნიშნული ცვლილება ეკონომიკური რეფორმის ნაწილია და მიზნად ისახავს საქართველოში ბიზნეს-მეგობრული საგადასახადო გარემოს განვითარებას. 

ცვლილებების თანახმად: იზრდება საგადასახადო დავალიანების თანხის ზღვარი 5000 - დან  50 000 ლარამდე, რომლის გადახდის 1 წლის ვადით გადავადებაც (გრაფიკის გაკეთება) შესაძლებელი იქნება საგადასახადო ორგანოში უზრუნველყოფის წარდგენის გარეშე. 

გარდა ამისა, საგადასახადო კოდექსში შეტანილმა ცვლილებებმა სრულყო საბაჟო პროცედურები და შემსუბუქდა სანქციები. კერძოდ, საბაჟო პროცედურების დარღვევისთვის პირველ შემთხვევაზე ფულადი ჯარიმის ნაცვლად შესაძლებელია გამოყენებულ იქნეს გაფრთხილება შემდეგ შემთხვევებში: ფიზიკური პირის მიერ 3 000 ლარამდე ღირებულების საქონელზე წარდგენილ საბაჟო დეკლარაციაში არასწორი მონაცემის შეტანა,     საგადასახადო ორგანოს თანხმობის გარეშე საქონლის ან/და სატრანსპორტო საშუალების მიერ საბაჟო კონტროლის ზონის დატოვება, საბაჟო ზედამხედველობის ქვეშ მყოფი საქონლის გადატვირთვა ან გადმოტვირთვა,მცირდება სპეციალურ სავაჭრო კომპანიის მიერ საქმიანობის წესის დარღვევისთვის გათვალისწინებული ჯარიმის ოდენობა 50 პროცენტიდან 10  პროცენტამდე, საბაჟო საწყობის ან თავისუფალი ვაჭრობის პუნქტის საქართველოს კანონმდებლობით დადგენილი სანებართვო პირობის დარღვევისთვის გათვალისწინებული ჯარიმა 4000 ლარიდან მცირდება 2000 ლარამდე. 

ასევე, ნახევრდება ამავე ქმედების განმეორებით ჩადენისათვის განსაზღვრული ჯარიმის ოდენობაც და პირი დაჯარიმდება 12000 ლარის ნაცვლად 6000 ლარით.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!