პრემიერ-მინისტრის სპეციალური წარმომადგენელის რუსეთთან ურთიერთობის საკითხებში ზურაბ აბაშიძის განცხადებით, რუსეთის პრეზიდენტის სპეციალურ წარმომადგენელ მიხეილ შვიდკოისთან პირადი შეხვედრა ჰქონდა.

როგორც მან თემის კომენტირებისას ჟურნალისტებს განუცხადა, მასთან მთავრობის არც ერთ წარმომადგენელს ოფიციალური შეხვედრა არ ჰქონია.

 ზურაბ აბაშიძის განმარტებით, მიხეილ შვიდკოი საქართველოს ხშირად სტუმრობს და არანაირი კანონი ოკუპირებული ტერიტორიის შესახებ მას არ დაურღვევია

 „თბილისში ჩატარდა მედია ფორუმი. ეს ჩვენ მედიის საშუალებით გავიგეთ. მთავრობას ამ ფორუმთან არანაირი შეხება არ აქვს. არასამთავრობო ორგანიზაციებმა ჩაატარეს ეს ფორუმი, რომელშიც მონაწილეობა მიიღეს საქართველოს, სომხეთის, აზერბაიჯანის, რუსეთის წარმომადგენლებმა. იქ იმყოფებოდა ბატონი შვიდკოიც, რამდენიმე რუსი ჟურნალისტიც. ამ ხალხთან არანაირი ოფიციალური შეხვედრები ან მე, ან მთავრობის ვინმე წარმომადგენელს არ ჰქონია. მე მქონდა პირადი კომუნიკაცია ბატონ შვიდკოისთან, მას დიდი ხანია ვიცნობ და ვთქვი კიდეც გუშინ, რომ ვაპირებდი მასთან მქონოდა პირადი კომუნიკაცია. ვისაუბრეთ კონკრეტულ პირადულ საკითხებზე. საკითხი ეხება კერძო პირებს, ადამიანებს. ჩვენს მოქალაქეებს რაღაც დახმარება და მხარდაჭერა სჭირდება. არავითარი ოფიციალური თემები არ განგვიხილავს. სხვა პირადული შეხვედრებიც მქონდა გუშინ ოჯახის წევრებთან, შვილიშვილებთან, ცოლთან. ის ხშირად ჩამოდის საქართველოში, პირველად არ ჩამოსულა. არანაირი კანონი ოკუპირებული ტერიტიორიის შესახებ მას არ დაურღვევია, აქ მემგონი, ნათესავებიც ჰყავს, წმინდა ადამიანური შეხვედრა იყო მასთან“,-აღნიშნა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო

ევერესტის ოლიმპიადის გამარჯვებულები ცნობილია - პროექტის მხარდამჭერია საქართველოს ბანკი

გვარაკიძე: არასრულწლოვანთა მიერ და მათ მიმართ ჩადენილი დანაშაულის წინააღმდეგ ბრძოლა ეფექტიანია

თიბისის მხარდაჭერით, Global Tech Weekend Tbilisi უკვე მეორედ გაიმართა