|
2017-06-28 12:35:09, 2236 ნახვა
ეკონომიკა
დიმიტრი ქუმსიშვილმა ავღანეთის ფინანსთა მინისტრთან ორმხრივი თანამშრომლობის საკითხები განიხილა
საქართველოსა და ავღანეთს შორის ურთიერთობის საკითხები განიხილეს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა და ავღანეთის ფინანსთა მინისტრმა იქლილ ჰაკიმიმ, რომელიც საქართველოში სამუშაო ვიზიტით იმყოფება. ფინანსთა სამინისტროს ინფორმაციით, შეხვედრაზე მხარეებმა განსაკუთრებულად გაუსვეს ხაზი ორი ქვეყნის მეგობრულ ურთიერთობებს. უწყების ცნობით, შეხვედრაზე აღინიშნა ის მიმართულებები, სადაც ქვეყნებს შორის თანამშრომლობის გაღრმავების დიდი პოტენციალი არსებობს, მათ შორისაა, ორმხრივი ვაჭრობა, სატრანსპორტო გადაზიდვები და სხვა. შეხვედრაზე განსაკუთრებული ყურადღება გამახვილდა იმ შესაძლებლობებზე, რომლებიც ქართულ კომპანიებს ავღანეთში აქვთ. განსაკუთრებულ ინტერესს წარმოადგენს ისეთი პროდუქციის ავღანეთში ექსპორტი, როგორიცაა სასოფლო-სამეურნეო პროდუქტები, მინერალური წყლები, ხილის წვენები, ტექსტილი, მედიკამენტები, აგრეთვე ფეროშენადნობები და ფერადი ლითონების კონცენტრატები. შეხვედრაზე დიმიტრი ქუმსიშვილმა ავღანელ სტუმარს საქართველოს ეკონომიკური მდგომარეობა, მთავრობის 4-პუნქტიანი გეგმა და მის ფარგლებში მიმდინარე და დაგეგმილი რეფორმები გააცნო. შეხვედრაზე ასევე, განსაკუთრებული აქცენტი გაკეთდა სატრანზიტო დერეფნის განვითარების შესაძლებლობაზე, რომლის შემადგენლობაშიც როგორც საქართველო, ისე ავღანეთი იქნებიან. შეხვედრაზე აგრეთვე გაკეთდა ვრცელი პრეზენტაცია ფინანსთა სამინისტროს შემოსავლების სამსახურის თანამედროვე ინფრასტრუქტურის, განსაკუთრებით კი საბაჟო გამშვები პუნქტების შესახებ, სადაც მნიშვნელოვნადაა გამარტივებული საბაჟო პროცედურები, რაც ყოველივე ხელს უწყობს ქვეყნის სატრანზიტო პოტენციალის განვითარებას. ვიზიტის მსვლელობისას, ავღანეთის ფინანსთა მინისტრი იქლილ ჰაკიმი საქართველოს მთავრობისა და კერძო სექტორის წარმომადგენლებთან შეხვედრას გამართავს, რომლის დროსაც საქართველოს აგრო და სამრეწველო სექტორის შესაძლებლობებს გაეცნობა. 29 ივნისს, ვიზიტის მეორე დღეს, ავღანეთის ფინანსთა მინისტრი იქლილ ჰაკიმი ბათუმისა და ფოთის ნავსადგურებს ეწვევა და მათი საქმიანობას შეისწავლის. (NS)
მანილაში ტრამპის საწინააღმდეგო საპროტესტო აქციები: პოლიციამ ასეანის სამიტის წინ თითქმის 300 ადამიანი დააკავა
შსს - ცხოველთა მუნიციპალურ თავშესაფარში ორი პირი უნებართვოდ შესვლას ცდილობდა , ერთ-ერთი ძალადობის ბრალდებით დაიჭირეს
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



