Majid Al Futtaim-სა და „ვისოლ ჯგუფს“ შორის გაფორმებული შეთანხმების ფარგლებში, სუპერმარკეტების ქსელი „სმარტი“ ობიექტების ნაწილს ხურავს და მის ნაცვლად ოპერირებას „კარფური“ იწყებს.

თუ სად გააგრძელებენ საქმიანობას „სმარტის“ თანამშრომლები, აღნიშნულთან დაკავშირებით „ვისოლ ჯგუფის“ საზოგადოებასთან ურთიერთობის სამსახურის ხელმძღვანელს, რუსუდან კბილაშვილს გავესაუბრეთ.

როგორც კბილაშვილმა აღნიშნა, თანამშრომლების უმრავლესობა „კარფურში“  გადავიდა სამუშაოდ, ნაწილი კი, „ვისოლ ჯგუფის“ შვილობილ კომპანიებში დასაქმდა. მისივე თქმით,  ორ კომპანიას შორის  შეთანხმების ერთ-ერთი პირობა სწორედ ამას ითვალისწინებდა.

„როგორც მოგეხსენებათ „კარფურთან“ შეთანხმების შესახებ ერთ-ერთი პირობა ზუსტად ის იყო, რომ თანამშრომლების უმრავლესობა „კარფურში“ გადავიდა, ნაწილი ჩვენთან დარჩა, დიდი ბიზნეს ჯგუფი ვართ და თანამშრომლები ჩვენსავე შვილობილ კომპანიებში დასაქმდნენ, ნაწილი კი მენეჯერულ პოზიციებზე დაწინაურდა.   მაგალითად, ვაკის „სმარტის“ თანამშრომელი ახლა ბრენდ დირექტორია დოლიძის კუთხეში მდებარე „ვენდიში“, წარმოების მიმართულებით თანამშრომელი ასევე დაწინაურდა მენეჯერულ თანამდებობაზე. ეს არის რეალობა“,-აცხადებს  კბილაშვილი.

ცნობისთვის, „სმარტის“ ვაზისუბნის, გლდანის და ვაკის ფილიალები უკვე დაიხურა. ასევე იხურება საბურთალოზე და რუსთაველის გამზირზე მდებარე სუპერმარკეტები. აღნიშნულ ობიექტებზე „კარფური“ ოპერირებას უახლოეს მომავალში დაიწყებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!