საზოგადოებაში არის განცდა, რომ ნარკოპოლიტიკას იყენებენ რეპრესიული მექანიზმისთვის - ამის შესახებ საქართველოს პრეზიდენტის პრესსპიკერმა ეკა მიშველაძემ დღევანდელ ბრიფინგზე ჟურნალისტის კითხვაზე საპასუხოდ განაცხადა, რომელიც მიხეილ თათარაშვილის საქმეს ეხებოდა.

მიშველაძის განმარტებით, ნარკოპოლიტიკის შესახებ კანონმდებლობის ლიბერალიზაციას მიესალმებიან. თუმცა, მისივე თქმით, ნარკოპოლიტიკის შესახებ კანონმდებლობის ლიბერალიზაციის შესახებ საუბრისას რამდენიმე ფაქტორის გათვალისწინება აუცილებელია:

"პირველ რიგში, როგორ განვიხილავთ ჩვენ ნარკომომხმარებლებს - ესენი არიან დამნაშავეები, თუ მათ სჭირდებათ დახმარება. უნდა გავითვალისწინოთ ის განცდა, რაც არის საზოგადოებაში, რომ ზოგადად ნარკოპოლიტიკას იყენებენ რეპრესიული მექანიზმისთვის და საზოგადოებაში არის ასეთი განცდა გავრცელებული. მნიშვნელოვანია მესამე ფაქტორიც, რომ ნარკომომხმარებლებთან მიმართებაში კანონმდებლობა უნდა იყოს ლიბერალური, თუმცა არა ნარკოდილერებთან მიმართებაში",-აღნიშნა პრეზიდენტის პრესსპიკერმა.

ცნობისთვის, პრეზიდენტის შვილის მეგობარი მიხეილ თათარაშვილი სასამართლო დარბაზიდან გათავისუფლდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიზელის ფასი 5 ლარამდე გაიზარდა, ბენზინის - ₾4-მდე

ერთი გაბედული ნაბიჯი ახალი შესაძლებლობებისკენ – გაიცანით ანასტასია, საქართველოს ბანკის სტიპენდიატი UWC პროგრამაში

პარლამენტმა პირველი მოსმენით მხარი დაუჭირა ცვლილებას, ერთიანი, 100 000-ლარიანი ზღვრის დაწესების შესახებ

„გაიარე მეტი“ ანტარქტიდაზე - „თეგეტას“ მხარდაჭერით პირველი ქართული სამეცნიერო ექსპედიცია „ცისკარი“ სტარტისთვის ემზადება