ადამიანის უფლებათა დაცვის საკითხებში პრეზიდნეტის მრჩევლის, კახა კოჟორიძის განცხადებით, მისთვის გასაკვირი იქნება, თუკი პრეზიდენტის ნების საწინააღმდეგოდ, რომელიმე უწყება  პრეზიდენტის ინსტიტუტის სხვა შენობაში გადატანას დაგეგმავს. ამის შესახებ კოჟორიძემ  ათონელის ქუჩაზე მდებარე რეზიდენციის საკითხზე, მთავრობის დღევანდელ სხდომაზე გაკეთებული განცხადებების თაობაზე აღნიშნა.

"ეს შენობა არის სახელმწიფო საკუთრებაში. პრეზიდენტი არის სახელმწიფოს მეთაური დ ამ მარტივი ლოგიკიდან გამომდინარე, ჩემთვის მართლა გასაოცარი იქნება  რომელიმე სხვა უწყებამ, სტრუქტურამ  რომ დაგეგმოს პრეზიდენტის ინსტიტუტის გადატანა პრეზიდენტის ნების საწინააღმდეგოდ სხვა შენობაში. ძალიან გამიჭირდება სამრთლებრივადაც და პრაქტიკულადაც ამის წარმოდგენა, თუ ვინმეს მართლაც სურს ამის გაკეთება, ალბათ სასამართლოს მიმართავენ თუ არა არვიცი, მოკლედ რა გიპასუხოთ არვიცი",-განაცხადა კახა კოჟორიძემ.

მისივე თქმით, გამომდინარე იქედან, რომ პრეზიდენტი სახელმწიფოს მეთაურია, არსებითი მნიშვნელობა არ აქვს იმას, თუ ვის ბალანზე იქნება შენობა.

"ვის ბალანსზე იქნება, ეკონომიკის სამინისტროს, თუ რომელიმე სხვა სტრუქტურის ბალანსზე, ჩემთვის ამას პრინციპული მნიშვნელობა არ აქვს, მთავარია ის, რომ ეს შენობა არის სახელმწიფო საკუთრება, პრეზიდენტი არის სახელმწიფოს მეთაური.  აქედან გამომდინარე, არანაირი მნიშვნელობა არ აქვს, რომელი უწყების ბალანსზე იქნება. ასეთი აბსურდი, რომ სახელმწიფოს მეთაურის პრაქტიკულად გამოსახლების საკითხი იდგეს სახელმწიფო საკუთრებაში არსებული შენობიდან, მე არ გამიგია და არ მსმენია არსად.იმედია ჩვენს ქვეყანაშიც არ იქნება",-განაცხადა კახა კოჟორიძემ.

ცნობისთვის, მთავრობის დღევანდელ სხომაზე აღინიშნა, რომ ათონელის ქუჩაზე მდებარე რეზიდენციის სარემონტო სამუშაოები სრულიად  დასრულებულია, ადგილმდებარეობა დასუფთავებულია და ვინაიდან ათონელის რეზიდენცია პრეზიდენტისთვის  იყო გათვლილი, სამუშაოები მთლიანად პირველი პირის სტანდარტებზეა შესრულებული. რაც შეეხება რეზიდენციის სტატუსს,  მთავრობის სხდომაზე განაცხადეს, რომ ამ თემაზე იმსჯელებენ, თუმცა, რეზიდენციის პრეზიდენტისთვის გადაცემა არ გამორიცხეს.

"რეზიდენცია დამთავრებულია,  შეტანილია ავეჯი,  დასრულებულ-დასუფთავებულია.მიღებული გვაქვს ექსპლუატაციაში,უკვე და მზად ვართ,  გადავცეთ ეკონომიკის სამინისტროს. შეგვიძლია ალბათ ვიმსჯელოთ მთავრობაზე სტატუსზე. მოგეხსენებათ ის პრეზიდენტისთვის იყო გთვლილი, სამუშაოები პირველი პირის სტანდარტებზეა შესრულებული.  გვქონდა პრეზიდენტის ადმინისტრაციასთან მჭიდრო კავშირი შენობის რემონტის დროს, პროცესში და სტანდარტების შესაბამისად არის ყველაფერი გაკეთებული. შემდეგი ეტაპი იქნება უკვე ეკონომიკის სამინისტროსთვის გადაცემა და პრეზიდენტისთვის გადაცემა, თუ როგორც გადაწყვეტს მთავრობა",-განაცხადა ოთარ დანელიამ, რომელსაც პრემიერმა უპასუხა, რომ ამის თაობაზე იმსჯელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას