მთავრობა მოქალაქეებს ქარის ელექტროსადგურის პროექტში წილის შეძენას სთავაზობს. ამის შესახებ მთავრობის დღევანდელი სხდომის დაწყებამდე პრემიერმა გიორგი კვირიკაშვილმა განაცხადა.

მისი განმარტებით, წილის შეძენაზე საჯარო შეთავაზება საფონდო ბირჟაზე გაკეთდება:

„ქარის  ელექტროსადგურის პროექტი, რომელიც განხორციელდა და დასრულდა 2016 წელს წარმატებით, ენერგეტიკის  სამინისტროს, საქართველოს ენერგეტიკის განვითარების ფონდის  და საერთაშორისო  საფინანსო ინსტიტუტების მონაწილეობით,  გადავწყვიტეთ, რომ გავაკეთოთ ასეთი პრეცედენტი, რომ საჯარო შეთავაზება გავაკეთოთ საქართველოს საფონდო ბირჟაზე, პირველად  შევათავაზოთ  ჩვენს მოქალაქეებს, რომ შეიძინონ წილი  ამ პროექტში. ეს არის პრივატიზაციის ასეთი ფორმა, რომელიც  ვფიქრობთ, ძალიან მნიშვნელოვნად წაახალისებს საფონდო ბირჟას. ძალიან მნიშვნელოვანია, რომ  ჩვენს მოქალაქეებს გაუჩნდეთ ჩართულობის შეგრძნება  იმ ძალიან მნიშვნელოვან პროექტებში, რომლებსაც ჩვენ ვახორციელებთ და მიეცემათ შანსი ადგილობრივ ინვესტორებს ასევე, რომ შეიძინონ  ამ პროექტის აქციები, ვინაიდან მომზადდება პროექტი საჯარო შეთავაზებისთვის, ადგილობრივ საფონდო  ბირჟაზე, რაც ძალიან კარგი პრეცენდენტია  და ეს არ იქნება ერთადერთი პრეცენდენტი. ჩვენ ამ მიმართულებით კიდევ გადავდგამთ  არაერთ ნაბიჯს. ვფიქრობ, მწვანე ენერგიის ათვისება უნდა გახდეს ჩვენი ერთ- ერთი მნიშვნელოვანი პრიორიტეტი“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა