2015-04-20 10:03:38, 355 ნახვა

---

ბიძინა ივანიშვილი: ამბობენ, რომ ეკონომიკა ინგრევა, დაინგრა ქვეყანა და ამ დროს მსგავსი არაფერი არ ხდება

„ამბობენ, რომ ეკონომიკა ინგრევა, კრიზისია, დაინგრა ქვეყანა და ამ დროს მსგავსი არაფერი არ ხდება“,-ამის შესახებ ყოფილმა პრემიერ-მინისტრმა ბიძინა ივანიშვილმა გადაცემა 20/30-თან  საუბრისას განაცხადა.

მისივე თქმით, ზემოთ აღნიშნულის მიღწევას „ნაციონალური მოძრაობა“ ცდილობს.

„რატომ გაჩნდა საზოგადობაში შფოთვა და ბევრი ეთანხმება ოპოზიციას, რომ ხელისუფლება არის სუსტი და უუნარო, ეს იმიტომ, რომ მონაპოვრით, რაც საზოგადოებამ მიიღო, ისევ ყოფილი მთავრობა და ოპოზიციად შერაცხული "ნაციონალური მოძრაობა" სარგებლობს. ის ისევ განაგრძობს საკუთარ საზოგადოებაზე ძალადობას, რაც ამ შემთხვევაში, სიცრუით ხდება. ყველაფერს აკეთებენ იმისთვის, რომ სიცრუით მოახერხონ და ქვეყნაში არ შემოვიდეს ინვესტიცია. პერმანენტულად იბრძვიან და ამბობენ, რომ ეკონომიკა ინგრევა, კრიზისია, ჩამოიშალა ეკონომიკა, დაინგრა ქვეყანა. ამ დროს მსგავსი არაფერი არ  ხდება“,-განაცხადა ბიძინა ივანიშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი