სოციალურ ქსელში ბანერი გავრცელდა, რომელზეც საქართველო აფხაზეთისა და ე.წ. სამხრეთ ოსეთის გარეშეა ასახული

2017-06-13 18:15:12, 1883 ნახვა

Lifestyle

სოციალურ ქსელში სარეკლამო ბანერი გავრცელდა, რომელზეც საქართველოს რუკა აფხაზეთისა და ე.წ. სამხრეთ ოსეთის გარეშეა გამოსახული.

აღნიშნულმა ფოტომ Facebook-ის მომხმარებლებში დიდი რეზონანსი და უკმაყოფილება გამოიწვია.

თავდაპირველად ვრცელდებოდა ინფორმაცია, რომ სარეკლამო ბანერი სომხური კომპანიის იყო. თუმცა, როგორც გაირკვა, ბანერი საერთაშორისო კომპანია Enterprise Holding-ს ეკუთვნის.

ხსენებული კომპანია მანქანებს მსოფლიოს მასშტაბით 85 ქვეყანაში აქირავებს.

"ექსპრესნიუსი" დეტალების გასარკვევად საქართველოს საგარეო საქმეთა სამინისტროს დაუკავშირდა.

უწყების პრესისა და ინფორმაციის დეპარტამენტის ცნობით, აღნიშნული ფაქტის შესახებ მათთვის 11 ივნისს გახდა ცნობილი.

"საქარათველოს საელჩომ ერევანში მოახდინა მყისიერი რეაგირება. შედგა კომუნიკაცია, როგორც მანქანების გაქირავების კომპანიასთან ასევე, სომხეთის საგარეო საქმეთა სამინისტროსთან. კომპანიის წარმომადგენლის განცხადებით საქმე გვაქვს დიზაინერის შეცდომასთან და ბანერზე განთავსდება რუკის გასწორებული ვერსია", - აცხადებენ უწყებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან