2017-06-11 14:45:12, 1952 ნახვა
საზოგადოება
თრუსოს ხეობაში მყოფი სტუდენტების სიცოცხლეს საფრთხე არ ემუქრება
თრუსოს ხეობაში მყოფი სტუდენტები თავს კარგად გრძნობენ და უსაფრთხოდ არიან.
ამის შესახებ „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს.
მათივე ინფორმაციით, სტუდენტების სანახავად პოლიცია ადგილზე იმყოფებოდა.
„სტუდენტები ადგილზე არიან, მათ სიცოცხლეს საფრთხე არ ემუქრება. ექსკურსიაზე მყოფი სტუდენტების ახლობლებმა მათთან დაკავშირება ვერ შეძლეს და სწორედ ეს გახდა განგაშის მიზეზი. ხეობაში ცუდი კავშირგაბმულობაა და ამიტომ ვერ მოხერხდა მათთან დაკავშირება.
პოლიცია ადგილზე მივიდა. სტუდენტები თავს კარგად გრძნობენ და მათ სიცოხლეს საფრთხე არ ემუქრება. სტუდენტები არ დაკარგულონ“,-აცხადებენ შსს-ში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
