|
2017-06-09 18:01:05, 2427 ნახვა
ეკონომიკა
„საქართველოში ჯანდაცვის სექტორის განვითარება“ - „პაშა ბანკმა“ MEETING ROOM-ის ფარგლებში, მესამე კონფერენცია გამართა
„პაშა ბანკმა“ სასტუმრო „რედისონში“ პროექტის MEETING ROOM-ის ფარგლებში რიგით მესამე ბიზნეს კონფერენცია „ჯანდაცვის სექტორის განვითარება საქართველოში“ გამართა. როგორც ჟურნალისტებთან საუბარში „პაშა ბანკის“ კომერციულმა დირექტორმა გოგა ჯაფარიძემ აღნიშნა, კონფერენციის თემა ჯანდაცვის დაფინანსებასა და ჰოსპიტალურ სექტორს შეეხო. „ეს მესამე კონფერენციაა. პირველი ენერგიისა და სასტუმროების დაფინანსებას ეხებოდა. ამჯერად, კონფერენციის თემა ჯანდაცვის დაფინანსება იყო. ჩვენ ასევე ჰოსპიტალური სექტორი მიმოვიხილეთ. ეს სექტორი ჩვენთვის ერთ-ერთი ყველაზე საინტერესოა. ვთავაზობთ მომსახურების სრულ სპექტრს - კომერციულ საბანკო მომსახურებას, საერთო საბანკო მომსახურებას, სესხები, სავაჭრო დაფინანსება, ობლიგაციების ემისია და სხვა. საკმაოდ მცირე წილი უჭირავს ამ დროისთვის ჯანდაცვის სექტორს ჩვენს ბიუჯეტში, 5%-ზე ნაკლები, თუმცა გასათვალისწინებელია, რომ ჩვენ ცოტა ხანია რაც ბაზარზე ვართ. გარკვეული დრო სჭირდება იმას, რომ კრიტიკული მასა ავწიოთ ნებისმიერ სექტორში“,-განაცხადა ჯაფარიძემ და დასძინა, რომ პოტენციურ კლიენტებს ჯანდაცვის სექტორში დაფინანსების კუთხით საკუთარ შესაძლებლობებს შესთავაზებენ. აღსანიშნავია, რომ შეხვედრა ჯანდაცვის სექტორში დასაქმებული და ამ სფეროთი დაინტერესებული მხარეების შეკრებას ისახავდა მიზნად. კონფერენციაზე სექტორის განვითარებასთან დაკავშირებული შემდეგი საკითხები განიხილეს: საქართველოს ჯანდაცვის სისტემის მიმოხილვა, კაპიტალი, როგორც აუციელებლი პირობა აღნიშნული სექტორის განსავითარებლად, ჯანდაცვის სექტორის მიმდინარე სექტორის მიმდინარე მდგომარეობა და სამომავლო ხედვა, ეფექტური ჰოსპიტალური პროცესების დანერგვა განვითარებად და დინამიურ ჯანდაცვის სისტემაში, კერძო სადაზღვევო სისტემის ინტეგრირება საყოველთაო ჯანდაცვის პროგრამაში, ჯანდაცვის წარმატებული პროექტები რეგიონში, ჯანდაცვის სექტორში პროექტების დაფინანსება და სხვა. შეგახსენებთ, MEETING ROOM „პაშა ბანკის“ მიერ ინიცირებული პროექტია. ეს არის სხვადასხვა სექტორზე ფოკუსირებული ბიზნეს კონფერენციების სერია, რომელიც ახალ პლატფორმას ქმნის აღნიშნული სფეროების წარმომადგენლებისთვის იდეების და სასარგებლო გამოცდილების გასაზიარებლად.
(R)
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



