|
2017-06-09 15:28:31, 2401 ნახვა
ეკონომიკა
გიორგი გახარია აკრედიტაციის საერთაშორისო დღისადმი მიძღვნილ კონფერენციას დაესწრო
აკრედიტაციის საერთაშორისო დღეს და საქართველოში გაცემული აკრედიტაციის შედეგების აღიარებას მიეძღვნა სასტუმრო „ბეტსი“-ში გამართული კონფერენცია, რომელიც საქართველოს ეკონომიკისა და მდგრადი განვითარების მინისტრმა მისასალმებელი სიტყვით გახსნა. გიორგი გახარიამ ეკონომიკის სამინისტროს აკრედიტაციის ცენტრის თანამშრომლებს, აკრედიტებულ კომპანიებსა და მეწარმეებს ევროპული აკრედიტაციის მიერ საქართველოში გაცემული აკრედიტაციის შედეგების აღიარება მიულოცა და აღნიშნა, რომ ამ ფაქტს განსაკუთრებული მნიშვნელობა აქვს ეკონომიკის განვითარებისთვის. „მოგეხსენებათ, რომ ცოტა ხნის წინ ევროპული აკრედიტაციის (EA) გენერალურ ასამბლეაზე ხელი მოეწერა შეთანხმებას, რომლის მიხედვით საქართველოში გაცემული აკრედიტაციის შედეგები საერთაშორისო დონეზე იქნა აღიარებული. ეს არის ინსტიტუციონალურად წინგადადგმული ნაბიჯი ქართული ეკონომიკის ევროპულ ეკონომიკასთან ინტეგრირების მიმართულებით. აკრედიტაციის ორგანოს ფუნქცია დღეს არის უმნიშვნელოვანესი, რადგან კარგად გვესმის, რომ ქართული ეკონომიკის განვითარების ერთ-ერთი ყველაზე დიდი და სერიოზული გამოწვევა გახლავთ სწორედ ხარისხის ინფრასტრუქტურა. ჩვენი ეკონომიკა არის ღია და პატარა, შესაბამისად, კარგად გვესმის, რომ ამ გამოწვევის პასუხი გახლავთ ჩვენი ეკონომიკის ინტეგრირება რეგიონულ და საერთაშორისო ეკონომიკაში, რის გამოც აქტიურად ვაწერთ ხელს თავისუფალი ვაჭრობის ხელშეკრულებებს სხვადასხვა ქვეყნებთან. ჩვენი ეკონომიკა უნდა იყოს სერვისებზე ორიენტირებული, ეს უნდა იყოს პლატფორმა დიდ ეკონომიკებს შორის ვაჭრობისთვის. აქედან გამომდინარე, აკრედიტაციის ორგანოს გააჩნია უდიდესი მნიშვნელობა ჩვენი ეკონომიკისთვის“, - განაცხადა გიორგი გახარიამ სიტყვით გამოსვლისას. როგორც კონფერენციაზე აღინიშნა, აკრედიტაციის შედეგების საერთაშორისო ბაზარზე აღიარება ნიშნავს იმას, რომ ქართველ მეწარმეებს, უმრავლეს შემთხვევაში, თავისუფლად შეეძლებათ ევროპის ქვეყნებში პროდუქტის რეალიზება და აღარ გახდება საჭირო განმეორებითი გამოცდებისა და სერტიფიკაციის ჩატარება ბაზარზე დაშვების მიზნით. „ეს არის ძალიან დიდი ხელშეწყობა ექსპორტისთვის, რადგან მისთვის საჭირო დოკუმენტები, მათ შორის ლაბორატორიული გამოცდის ოქმი თუ სერტიფიკატი, ხშირ შემთხვევაში, არ იყო აღიარებული ევროპაში. დღეისთვის ეს დოკუმენტები უკვე აღიარებულია, რაც შეამცირებს ტექნიკურ ბარიერებს ვაჭრობაში, ასევე ხარჯებს, რომელიც შესაბამისობის შეფასებაზე უნდა იქნას გაწეული და ხელს შეუწყობს საქართველოში წარმოებული პროდუქტის კონკურენტუნარიანობის ზრდას“, - აღნიშნა აკრედიტაციის ცენტრის გენერალურმა დირექტორმა პაატა გოგოლიძემ. ღონისძიებას ევროკავშირის სადამკვირვებლო მისიის, საქართველოს პარლამენტის, სოფლის მეურნეობის სამინისტროს, სავაჭრო-სამრეწველო პალატის, ასევე აკრედიტებული კომპანიების წარმომადგენლები და მეწარმეები ესწრებოდნენ.
(NS)
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



