|
2017-06-07 18:40:46, 2154 ნახვა
ეკონომიკა
2018 წელს ყოველწლიური ევროპული დიალოგი EuroDIG საქართველოში გაიმართება
6-7 ივნისს, ტალინში ინტერნეტმმართველობის საკითხებზე ყოველწლიური ევროპული დიალოგი EuroDIG 2017 გაიმართა. საქართველოს მხრიდან EuroDIG 2017-ში მონაწილეობა ეკონომიკისა და მდგრადი განვითარების მინისტრის მოადგილე გიორგი ჩერქეზიშვილმა მიიღო, სადაც EuroDIG-ის საორგანიზაციო კომიტეტის გადაწყვეტილებით საქართველომ მიიღო შეთავაზება EuroDIG 2018-ის საქართველოში ჩატარების შესახებ. EuroDIG 2018-ის ერთ-ერთი ძირითადი მხარდამჭერი და ორგანიზატორი საქართველოს ეკონომიკისა და მდგრადი განვითარების სამინისტრო იქნება, რაც ევროპული ქვეყნების მიერ საქართველოს ინტერნეტმმართველობის მიმართულებით გადადგმული ნაბიჯების კიდევ ერთ მნიშვნელოვან აღიარებას ნიშნავს. ინტერნეტმმართველობის საკითხებზე ყოველწლიური ევროპული დიალოგი ევროპის ფარგლებში ყველაზე მასშტაბური, ღია და მრავალმხრივი პლატფორმაა. EuroDIG-ზესხვადასხვა ქვეყნიდან ჩასული მონაწილეები ერთმანეთს მოსაზრებებს და საუკეთესო გამოცდილებას უზიარებენ იმის შესახებ, თუ როგორ უნდა იმართებოდეს ინტერნეტი. წელს EuroDIG 2017-ში მონაწილეობაევროპული ქვეყნების 650-მდე წარმომადგენელმა მიიღო, როგორც საჯარო, ისე კერძო სექტორიდან. გიორგი ჩერქეზიშვილი EuroDIG 2017-ის ერთ-ერთ სადისკუსიო სესიაში სიტყვით გამოვიდა, რომელიც ციფრული უთანასწორობის დაძლევის საკითხებს ეხებოდა. სესიაზე ეკონომიკისა და მდგრადი განვითარების მინისტრის მოადგილემ საქართველოში ფართოზოლოვანი ინტერნეტინფრასტრუქტურის განვითარების სახელმწიფო პროგრამაზე ისაუბრა, რომლის ფარგლებში ოპტიკურ-ბოჭკოვანი კაბელის გამოყენებით ის დასახლებული პუნქტები დაიფარება, სადაც ოპტიკური ქსელი არ არის. სესიაზე გიორგი ჩერქეზიშვილმა მცირერიცხოვან დასახლებულ პუნქტებში ინტერნეტქსელების განვითარების ადგილობრივი ინიციატივების მნიშვნელობას და ამ პროცესებში კერძო სექტორის, სახელმწიფოსა და არასამთავრობო ორგანიზაციების შორის თანამშრომლობის მნიშვნელობას ხაზი გაუსვა. ამის წარმატებულ მაგალითს ერთ-ერთ მთიან რეგიონში ინტერნეტიზაციის პროექტი წარმოადგენს, რის განხორციელებაშიც საქართველოს ეკონომიკისა და მდგრადი განვითარების სამინისტროც იყო ჩართული. სესიაზე მინისტრის მოადგილემ საქართველოში კავშირგაბმულობის სფეროს განვითარების მიმდინარე ტენდენციებზე ისაუბრა, შეეხო ელექტრონული მმართველობის განვითარების საკითხებს და სხვა. EuroDIG 2017 დახურვის სესიაზეღონისძიების მასპინძელი ქვეყნის-ესტონეთის საგარეო საქმეთა მინისტრმა, სვენ მიკსერმა გიორგი ჩერქეზიშვილს, როგორც მომავალი EuroDIG-ის მასპინძელი ქვეყნის წარმომადგენელს, EuroDIG-ის გარდამავალი დროშა გადასცა და EuroDIG 2018-ის საქართველოში ჩატარებაშიწარმატებები უსურვა. (NS)
ილონ მასკი ტრამპთან ერთად ჩინეთში Air Force One-ით გაემგზავრება
რუტე ყირიმის ხიდზე თავდასხმაზე: უკრაინას შეუძლია დაიცვას თავი და თავს დაესხას რუსულ ლოგისტიკას
პუტინი სამიტზე ტრამპთან და სი ძინპინთან ბირთვული ბომბდამშენების თანხლებით ჩაფრინდა
IPI: ვგმობთ გურამ როგავას სასამართლო პროცესიდან ჩამოშორებას
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



