ჯანსაღი ცხოვრების წესის პოპულარიზაციისა და ამ მიმართულებით ახალგაზრდების ცნობიერების ამაღლებისთვის, მიმდინარე წლის 8-11 ივნისს  „ჯანსაღი ცხოვრების კვირეული“ მოეწყობა.

თბილისის მერიის ინფორმაციით,   კვირეული სამგორის რაიონის  გამგეობის ორგანიზებით ტარდება. 

მათივე ცნობით, ღონისძიება  8 ივნისს, 19:00 საათზე, ვარკეთილის მე-3 მასივში, 108-ე საჯარო სკოლის მიმდებარე ტერიტორიაზე გაიხსნება. ახალგაზრდებისთვის სხვადასხვა სპორტული აქტივობები მოეწყობა. 

დღის ბოლოს კი, ღია ცის ქვეშ ცნობილი ქართული ბენდების,  „ქიმერა“, „არა“, „პულსი“ მონაწილეობით კონცერტი გაიმართება.  

9 ივნისს, 17:00, თემაზე ჯანსაღი ცხოვრების წესი, ვარკეთილის მედიათეკაში,  ნახატებისა და ფოტოების გამოფენა/კონკურსი ჩატარდება. 

გამარჯვებულებს  სამახსოვრო პრიზები და მედიათეკის საწევრო ბარათები გადაეცემათ. 

10 ივნისს ექსტრემალური სპორტის სახეობების წარმოდგენა და ჯანსაღი ცხოვრების თემატიკაზე საზაფხულო კინოჩვენება მოეწყობა.

11 ივნისს, 12:00 საათზე, გარდაბნის გზატკეცილზე კვირეულის შემაჯამებელი ღონისძიება და მინი მარათონი გაიმართება, რომელშიც მონაწილეობას სკოლის მოსწავლეები მიიღებენ. 
სხვადასხვა კონკურსებში გამარჯვებულ ახალგაზრდებს  სასაჩუქრე ბარათები გადაეცამათ.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის არმიამ დონბასში 2022 წლის შემდეგ ყველაზე მასშტაბური კონტრშეტევა დაიწყო

შენი კარიერის პირველი ნაბიჯები თიბისიში - ანაზღაურებადი სტაჟირების პროგრამა დაიწყო

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა