საზოგადოებრივი ტრანსპორტის ბილეთის შეძენა ნებისმიერი ბარათით იქნება შესაძლებელი

2017-06-06 12:36:05, 2437 ნახვა

საზოგადოება კომენტარი

თბილისის მერის დავით ნარმანიას განცხადებით, დედაქალაქში, საზოგადოებრივ ტრანსპორტში გადახდის უნივერსალური სისტემა დაინერგება.

როგორც მერმა აღნიშნა, გადახდის უვივერსალური სისტემა როგორც მოსახლეობისთვის ასევე ტურისტებისთვის მოსახერხებელი იქნება.

„ჩვენ სულ მალე გამოვაცხადებთ კონკურსს, რომელიც გულისხმობს არა მხოლოდ მეტროს ბარათების მეშვეობით გადახდის უზრუნველყოფას, არამედ პლასტიკური ბარათებითაც იქნება გადახდა შესაძლებელი. სხვადასხვა ბანკის ბარათების გამოყენება იქნება შესაძლებელი, რაც ტურისტებისთვისაც და ადგილობრივი მოსახლეობისთვისაც ძალიან მოსახერხებელია“, - განაცხადა ნარმანიამ.

რაც შეეხება გადახდის ახალი სისტემის ამოქმედების დროს, დავით ნარმანიას თქმით, ეს დედაქალაქის მთავრობის ხვალინდელ სხდომაზე გახდება ცნობილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან