თბილისში საქართველოს შინაგან საქმეთა სამინისტროს ოპერატიულ–ტექნიკური დეპარტამენტის ტექნოლოგიური ინოვაციებისა და სწავლების ცენტრი გაიხსნა.

ცენტრი შინაგან საქმეთა მინისტრმა ვახტანგ გომელაურმა და პრემიერ-მინისტრმა ირაკლი ღარიბაშვილმა გახსნეს.

როგორც ღარიბაშვილმა  პრეზენტაციაზე განაცხადა, დარწმუნებულია, რომ ახალი ცენტრი ხელისუფლებას საშუალებას მისცემს, წარმატებით განახორციელოს ქვეყანაში ქიმიური, ბიოლოგიური, რადიაციული და ბირთვული იარაღის გაუვრცელებლობის სტრატეგია, რომელსაც კოორდინაციას შინაგან საქმეთა სამინისტრო უწევს.

„დღეს ჩვენს ქვეყანას უკვე აქვს შესაძლებლობა, აკონტროლოს ბირთვული და რადიოაქტიური მასალების გადაადგილება საქართველოს მთელ ტერიტორიაზე და, რაც განსაკუთრებით მნიშვნელოვანია, კონტროლი ხორციელდება სახელმწიფო საზღვარზე. ჩვენ რეალური და ქმედითი ნაბიჯები გადავდგით საზღვრის დაცვის მიმართულებით“, - განაცხადა პრემიერ-მინისტრმა და მადლობა გადაუხადა ამერიკის ეროვნული ბირთვული უსაფრთხოების სააგენტოს იმ მხარდაჭერისთვის, რომელიც საქართველოს საშუალებას აძლევს, გახდეს რეგიონული და საერთაშორისო უსაფრთხოების უზრუნველყოფის აქტიური მონაწილე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა