2017-05-25 14:26:37, 2215 ნახვა
საზოგადოება კომენტარი
ჯეჯელავა: საატესტატო გამოცდების ზღვარი დაახლოებით 11 ათასმა მოსწავლემ ვერ გადალახა
განათლებისა და მეცნიერების მინისტრის, ალექსანდრე ჯეჯელაავს ინფორმაციით, საატესტატო გამოცდების ზღვარი 11 ათასამდე მოსწავლემ ვერ გადალახა.
როგორც მან მთავრობის სხდომის დასრულების შემდეგ ჟურნალისტებს განუცხადა, შედეგები დაახლოებით ისეთივეა, როგორიც წინა წლებში იყო.
„რამდენიმე დღეში შეჯამდება. დაახლოებით 11 მოსწავლეა, რომელმაც ვერ გადალახა საატესტატო გამოცდების ზღვარი. სულ დაახლოებით 50 000-მდე მოსწავლეა. ტექნიკური საგნები როგორც ყოველთვის ცოტა უფრო მეტად უჭირთ. პერიოდულად ისმის ჩივილები, რომ პროგრამას არ ემთხვეოდა შინაარსი, თუმცა ეს ასე არ არის. საატესტატო გამოცდა იმას გულისხმობს, რომ ზუსტად სტანდარტული ამოცანებით კი არ მიდის პროცესი, არამედ ვამოწმებთ, რამდენად შეუძლია ცოდნის გამოყენება. შედეგები წინა წლების მსგავსია",- აღნიშნა ჯეჯელავამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
