საფრანგეთის ახლადარჩეულმა პრეზიდენტმა ემანუელ მაკრონმა საფრანგეთის მინისტრთა კაბინეტის ახალი შემადგენლობა დაასახელა, - ამის შესახებ BBC იუწყება.

მედია საშუალების ინფორმაციით, მთავრობის შემადგენლობაში სხვადასხვა პოლიტიკური ძალების წარმომადგენლები შევიდნენ. საფრანგეთის მთავრობას 11 კაცი და 11 ქალი მინისტრი ეყოლება. 

მაკრონმა პირობა დადო მემარჯვენეები და მემარცხენეები გააერთიანოს. 

ეკონომიკის მინისტრის პოსტს ეროვნული კრების დეპუტატი, კონსერვატორი ბრუნო ლე მერი დაიკავებს. 
შინაგან საქმეთა მინისტრი სოციალისტი ჟერარ კოლონი იქნება, რომელიც აქამდე ლიონის მერის თანამდებობას იკავებდა.  კიდევ ერთი სოციალისტი, ჟან ივ ლე დრიანი, რომელიც ამ დრომდე საფრანგეთის თავდაცვის უწყებას ხელმძღვანელობდა, საგარეო საქმეთა მინისტრის პოსტს დაიკავებს. 
მაკრონის გადაწყვეტილებით, საფრანგეთის თავდაცვის მინისტრის თანამდებობის ცენტრისტი, სილვი გულარი დაიკავებს. კულტურის მინისტრის პოსტი ფრანსუაზ ნისენს ერგო. სპორტის მინისტრი ოლიმპიური ჩემპიონი ლორა კოლოვიცი იქნება. 

იუსტიციის მინისტრის პოსტს კიდევ ერთი ცენტრისტი ფრანსუა ბაირუ დაიკავებს. 

სხვა მინისტრები: ანიეს ბუზინი - ჯანდაცვის მინისტრი;მურიელ პენიკო - შრომის მინისტრი; ჟან-მიშელ ბლანკე - განათლების მინისტრი; ჟაკ მეზარი - სოფლის მეურნეობის მინისტრი.

საფრანგეთის ახალი მთავრობის პირველი სხდომა 18 მაისს ჩატარდება. 

ცნობისთვის, საფრანგეთის ახლადარჩეულმა პრეზიდენტმა ემანუელ მაკრონიმ ქვეყნის პრემიერ-მინისტრად ედუარდ ფილიპი 15 მაისს დანიშნა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს