„თავისუფალმა დემოკრატებმა“ ე.წ. კაბელების საქმეზე დაკავებულთა საკითხი დანიის, პოლონეთის და შვედეთის მინისტრებთან შეხვედრაზე დასვეს.
ამის შესახებ „თავისუფალი დემოკრატების“   წევრმა ალექსი პეტრიაშვილმა ჟურნალისტებს განუცხადა.
მისივე თქმით,  საუბარი ასევე შეეხო  მთავარი პროკურატურის, შინაგან საქმეთა სამინისტროს და სასამართლოს რეფორმირებას.
"მიუხედავად დროის სიმცირისა, გვქონდა ძალიან შინაარსიანი საუბარი, რომლის დროსაც, პირველ რიგში, დავაყენეთ საკითხი, რომელიც ეხება თავდაცვის სამინისტროს მაღალჩინოსნების უკანონო პატიმრობას. ასევე, ვისაუბრეთ მთავარი პროკურატურის ოფისის, მთავარი პრპოკურორის ოფისის,  შს სამინისტროსა და სასამართლოს რეფორმირების აუცილებლობაზე და იმ საფრთხეებზე, რომელიც მოდის ჩვენს ქვეყანაში მზარდი რუსული პროპაგანდის  და აგიტაციური საქმინობის შედეგად.    საარჩევნო სისტემის რეფორმის მნიშვნელობაზეც და იმ საკითხებზე, რომელიც უკავშირდება ჩვენს ქვეყანაში მზარდ რუსულ პროპაგანდას, აგიტაციურ საქმიანობას. საუბარი შეეხო რეგიონში არსებულ საფრთხეებს, რომელსაც ძირითადად წარმოქმნის და გენერირებს ჩვენი მთავარი აგრესორი რუსეთის ფედერაცია“,-განაცხადა ალექსი პეტრიაშვილმა.

ამასთთან,  სამი ქვეყნის საგარეო საქმეთა მინისტრებს შეხვდნენ „ნაციონალური მოძრაობის“ წევრები.

როგორც ჟურნალისტებთან საუბრისას  „ნაციონალური მოძრაობის“ წევრმა გიგა ბოკერიამ აღნიშნა, მათ მინისტრებთან იმ მთავარ გამოწვევებზე ისაუბრეს, რომელიც საქართველოს ქვეყნის შიგნით და გარეთ აქვს.

„ჩვენ მივაწოდეთ მათ ჩვენი ხედვა იმ მთავარი  გამოწვევების, რომელიც აქვს საქართველოს  გარედან ანუ ჩვენი ჩრდილოელი მეზობლისგან, ჩვენი აგრესორისგან. საქართველოს შიგნით ჩვენი მთავრობის  პოლიტიკის  შედეგად ეს ორი პრობლემა  ყველაზე დიდი საფრთხეს უქმნის კომბინაციაში ერთად ჩვენი ქვეყნის  მომავალს და მათ შორის რა თქმა უნდა  ის ეროზია, რომელსაც ჩვენ ვხედავთ  პროდასავლური  კურსის მიმართულებით ისე რეალურ დამძიმებას ქვეყნის შიგნით ეკონომიკური მდგომარეობის, ადამიანის  უფლებათა მიმართულების და პოლიტრიკური დევნის“,-განაცხადა გიგა ბოკერიამ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას